బుట్టబొమ్మ సినిమాకు రివ్యూ ఇచ్చిన డీజే టిల్లు ఫేమ్ సిద్ధు
ఈ వార్తాకథనం ఏంటి
మళయాల మూవీ కప్పెలా సినిమాకు తెలుగు రీమేక్ గా వస్తున్న సినిమా బుట్టబొమ్మ. ఫిబ్రవరి 4వ తేదీన ఈ సినిమా థియేటర్లలోకి రానుంది. ఈ నేపథ్యంలో నిన్న రాత్రి ప్రీ రిలీజ్ ఈవెంట్ జరిగింది.
ఈ ఈవెంట్ కి డీజే టిల్లు ఫేమ్ సిద్ధు జొన్నలగడ్డ అతిధిగా వచ్చారు. సిద్ధు కెరీర్లో అతిపెద్ద సక్సెస్ అందుకున్న డీజే టిల్లు సినిమాకు నిర్మాతగా ఉన్న సితార ఎంటర్ టైన్ మెంట్స్ బ్యానర్ లోనే బుట్టబొమ్మ కూడా తెరకెక్కింది.
ఈవెంట్ లో మాట్లాడిన సిద్ధు, సితార బ్యానర్ తనకు సొంత సంస్థ లాంటిదనీ, మంచి సినిమాలను ప్రేక్షకులకు అందించడంలో సితార ఎంతర్ టైన్మెంట్స్ ముందుంటుందని చెప్పుకొచ్చాడు.
అలాగే బుట్టబొమ్మ సినిమా గురించి రివ్యూ కూడా చెప్పేసాడు.
తెలుగు సినిమా
బుట్టబొమ్మ సినిమాలో ఎమోషన్స్ అన్నీ ఉంటాయి
బుట్టబొమ్మ చాలా బాగా వచ్చిందనీ, లవ్,యాక్షన్, మలుపులు కలగలిపి సినిమా అద్భుతంగా ఉంటుందని హామీ ఇచ్చేసాడు.
మంచి రొమాన్స్, లవ్ ఉంటూనే డేంజరస్ మలుపులు ప్రేక్షకులను ఆశ్చర్యానికి గురి చేస్తాయని, థ్రిల్ ఫీలవుతారని, ఇందులో అన్ని ఎమోషన్ ఉన్నాయని చెప్పాడు.
ఇంకా ఇందులో నటించిన హీరోయిన్ అనికా సురేంద్రన్, హీరో సూర్య వశిష్ట, ప్రధాన పాత్రలో కనిపించే అర్జున్ దాస్, నవ్యస్వామి మొదలగు వారందరినీ అభినందించాడు.
సితార ఎంటర్ టైన్మెంట్స్ తో పాటు ఫార్చూన్ ఫోర్ సినిమాస్ బ్యానర్ కూడా ఈ సినిమా నిర్మాణంలో పాలు పంచుకుంది. షోరీ చంద్రశేఖర్ రమేష్ దర్శకత్వం వహించగా గోపీసుందర్ మ్యూజిక్ అందించారు.
మరి ఈ రీమేక్ తెలుగు ప్రేక్షకులను ఏ విధంగా మెప్పిస్తుందో చూడాలి.