దేవర సినిమాలో సొరచేపతో ఫైట్ చేయబోతున్న ఎన్టీఆర్?
ఈ వార్తాకథనం ఏంటి
ఆర్ఆర్ఆర్ తర్వాత జూనియర్ ఎన్టీఆర్, కొరటాల శివ దర్శకత్వంలో దేవర సినిమా చేస్తున్నారు. ప్రస్తుతం ఈ చిత్ర షూటింగ్ పనులు వేగంగా జరుగుతున్నాయి.
సముద్ర నేపథ్యంలో సాగే ఈ కథలో ఎన్టీఆర్ చాలా వైవిధ్యంగా కనిపించనున్నారని మొదటి నుంచీ చెబుతూనే ఉన్నారు. అలాగే ఈ సినిమాలో ఫైట్ సీన్లు హాలీవుడ్ లెవెల్ లో ఉంటాయని కూడా చెప్పారు.
తాజాగా బయటకు వచ్చిన సమాచారం ప్రకారం, దేవర సినిమాలో సొరచేపతో ఎన్టీఆర్ ఫైట్ చేయనున్నారట. ఛత్రపతి సినిమాలో ప్రభాస్ మాదిరిగా, దేవరలో ఎన్టీఆర్ సొరచేపతో ఫైట్ చేస్తాడని అంటున్నారు.
ఈ ఫైట్ సీక్వెన్స్ అద్భుతంగా ఉండనుందని టాక్ వినిపిస్తోంది.
Details
సగం షూటింగ్ పూర్తి
దేవర సినిమాతో బాలీవుడ్ భామ జాన్వీ కపూర్ తెలుగులోకి ఎంట్రీ ఇస్తుంది. సైఫ్ ఆలీ ఖాన్ విలన్ గా కనిపిస్తున్న ఈ సినిమాలో ప్రకాష్ రాజ్, శ్రీకాంత్ కీలక పాత్రల్లో కనిపించనున్నారు.
ఇప్పటికే సగభాగం షూటింగ్ పూర్తి చేసుకున్న ఈ చిత్రం, ఈ సంవత్సరం వందశాతం చిత్రీకరణ పూర్తి చేసుకుంటుందట. ఆ తర్వాత పోస్ట్ ప్రొడక్షన్ పనులు పూర్తి చేసుకుని అనుకున్న తేదీ ప్రకారం విడుదల అవుతుందట.
యువసుధ ఆర్ట్స్, నందమూరి తారక రామారావు ఆర్ట్స్ బ్యానర్లు సంయుక్తంగా నిర్మిస్తున్న ఈ సినిమాను మిక్కిలినేని సుధాకర్ నిర్మిస్తున్నారు.
అనిరుధ్ రవిచందర్ సంగీతం అందిస్తున్న ఈ సినిమాను వచ్చే సంవత్సరం ఏప్రిల్ 5వ తేదీన రిలీజ్ చేయాలని ప్లాన్ చేస్తున్నారు.