రైటర్ పద్మభూషణ్ తో హిట్ కొట్టగానే మేమ్ ఫేమస్ అంటున్న ఛాయ్ బిస్కట్
రైటర్ పద్మభూషణ్ సినిమాను తెరకెక్కించిన ఛాయ్ బిస్కట్, లహరి ఫిలిమ్స్ నిర్మాణ సంస్థలు, తమ రెండవ సినిమాను ప్రకటించారు. మేమ్ ఫేమస్ అనే టైటిల్ తో రూపొందుతున్న ఈ సినిమాను కూడా సంయుక్తంగా నిర్మిస్తుండడం చెప్పుకోవాల్సిన అంశం. మేమ్ ఫేమస్ చిత్రంలో సుమంత్ ప్రభాస్ హీరోగా నటిస్తూ దర్శకత్వం వహిస్తున్నాడు. ఈ సినిమాకు కథ, స్క్రీన్ ప్లే, డైలాగ్స్ అందిస్తుంది కూడా తనే కావడం విశేషం. ఇందులో మిగతా క్యారెక్టర్లలో మణి, మౌర్య చౌదరీ, సార్య సిరి రాశీ నటిస్తున్నారు. ఇప్పుడు రిలీజ్ చేసిన ఫస్ట్ లుక్ పోస్టర్ ని చూస్తుంటే, యూత్ ఫుల్ ఎంటర్ టైనర్ గా ఉండనుందని అర్థమవుతోంది. జూన్ 2వ తేదీన విడుదల చేయాలని ప్లాన్ చేస్తున్నారు.
