Chandini Chaudhary: నేడు యంగ్ బ్యూటీ చాందిని చౌదరి బర్త్ డే.. సంతాన ప్రాప్తిరస్తు ఫస్ట్ లుక్ రిలీజ్ చేసిన మేకర్స్
ఈ వార్తాకథనం ఏంటి
విక్రాంత్, చాందిని చౌదరి హీరో హీరోయిన్లుగా నటిస్తున్న చిత్రం "సంతాన ప్రాప్తిరస్తు".
ఈ చిత్రాన్ని మధుర ఎంటర్టైన్మెంట్, నిర్వి ఆర్ట్స్ బ్యానర్ కింద మధుర శ్రీధర్ రెడ్డి, నిర్వి హరిప్రసాద్ రెడ్డి సంయుక్తంగా నిర్మిస్తున్నారు.
"ఏబీసీడీ" మూవీ, "అహ నా పెళ్లంట" వెబ్ సిరీస్‌లను రూపొందించిన యంగ్ డైరెక్టర్ సంజీవ్ రెడ్డి ఈ చిత్రాన్ని డైరెక్ట్ చేస్తున్నారు.
ఇటీవల మెగాస్టార్ చిరంజీవి తో కలిసి తెలంగాణ ప్రభుత్వానికి చెందిన యాంటీ డ్రగ్స్ ప్రకటన రూపొందించి ప్రశంసలు పొందారు.
వెంకటాద్రి ఎక్స్ ప్రెస్, ఏక్ మినీ కథ, ఎక్స్ ప్రెస్ రాజా వంటి సూపర్ హిట్ సినిమాలకు స్క్రీన్ ప్లే అందించిన రచయిత షేక్ దావూద్ జీ ఈ చిత్రానికి స్క్రీన్ ప్లే రాస్తున్నారు.
వివరాలు
కల్యాణి ఓరుగంటి పాత్రలో చాందినీ చౌదరి
మ్యూజికల్ ఫ్యామిలీ ఎంటర్ టైనర్‌గా రూపొందనున్న ఈ సినిమా నేటి రోజున చాందిని చౌదరి పుట్టిన రోజు సందర్భంగా ఆమె క్యారెక్టర్ ఫస్ట్ లుక్ పోస్టర్‌ను విడుదల చేశారు.
"సంతాన ప్రాప్తిరస్తు"లో చాందినీ చౌదరి కల్యాణి ఓరుగంటి అనే పాత్రలో నటిస్తున్నట్లు పోస్టర్ ద్వారా వెల్లడించారు.
ఒక ప్రభుత్వ ఉద్యోగిని తన జీవిత భాగస్వామిగా కోరుకుంటున్న కల్యాణి,సాఫ్ట్‌వేర్ ప్రొఫెషనల్స్‌కు దూరంగా ఉండాలని భావిస్తోంది.
ప్రస్తుతం చాలామంది ఎదుర్కొంటున్న సమస్య,అంటే సంతానలేమిని ఈ చిత్రంలో వినోదాత్మకంగా చూపించబోతున్నారు.
ప్రస్తుతం ఈ సినిమా రెగ్యులర్ షూటింగ్ జరుపుకుంటోంది.ఈ చిత్రంలో వెన్నెల కిషోర్,శ్రీలక్ష్మి, అభినవ్ గోమటం,మురళీధర్ గౌడ్,హర్షవర్ధన్, బిందు చంద్రమౌళి, జీవన్ కుమార్, తాగుబోతు రమేష్, అభయ్ బేతిగంటి, అనిల్ గిలా, కిరీటి, సద్దాం తదితరులు నటిస్తున్నారు.
ట్విట్టర్ పోస్ట్ చేయండి
మేకర్స్ విడుదల చేసిన ఫస్ట్ లుక్
#HeroineChandini Chowdary's First Look from Musical Family Entertainer Santhana Prapthirasthu Unveiled on Her Birthday* pic.twitter.com/T441JpZrH1
— 24 studio official (@24studio4) October 23, 2024