చంద్రముఖి 2 షూటింగ్ పూర్తి: సినిమా రిలీజ్ ఎప్పుడంటే?
ఈ వార్తాకథనం ఏంటి
సూపర్ స్టార్ రజనీ కాంత్ నటించిన చంద్రముఖి సినిమాకు సీక్వెల్ తెరకెక్కుతోంది. 2005లో థియేటర్లలో రిలీజైన ఈ సినిమా, ప్రేక్షకులను భయపెట్టి విపరీతమైన కలెక్షన్లు అందుకుంది.
అయితే ప్రస్తుతం 17సంవత్సరాల తర్వాత చంద్రముఖి 2 రూపొందుతోంది. తాజా సమాచారం ప్రకారం, చంద్రముఖి 2 సినిమా షూటింగ్ పూర్తయినట్లు తెలుస్తోంది.
ఈ మేరకు రాధికా శరత్ కుమార్ సోషల్ మీడియాలో పోస్ట్ చేసింది. చంద్రముఖి 2 షూటింగ్ పూర్తయ్యిందనీ, లైకా ప్రొడక్షన్స్ బ్యానర్ లో నటించడం సంతోషంగా ఉందనీ, ఈ సినిమాను దర్శకుడు పి వాసు అద్భుతంగా తెరకెక్కించాడని పేర్కొంది.
అంతేకాదు, ఇందులో హీరోగా కనిపిస్తున్న లారెన్స్ తనకు గోల్డ్ రింగ్, ఖరీదైన వాచ్ బహుమతిగా ఇచ్చాడని చెప్పుకొచ్చింది.
Details
ప్రధాన పాత్రలో కంగనా రనౌత్
నిజానికి చంద్రముఖి సినిమా హిట్ అయినపుడు రజనీ కాంత్ తో చంద్రముఖి సీక్వెల్ తీయాలని దర్శకుడు పి వాసు అనుకున్నారు. కానీ అనేక కారణాల వల్ల ఇది కుదరలేదు.
ఇప్పుడు తెరకెక్కిన చంద్రముఖి సీక్వెల్ లో కంగనా రనౌత్, రాధికా శరత్ కుమార్, వడివేలు నటిస్తున్నారు. ఈ సినిమాను సెప్టెంబర్ నెలలో రిలీజ్ చేయాలని చిత్రబృందం అనుకుంటున్నట్లు సమాచారం.
సాధారణంగా సీక్వెల్ సినిమాల మీద ఇంట్రెస్ట్ ఎక్కువగా ఉంటుంది. ఈ మధ్య సీక్వెల్ సినిమాలే ట్రెండ్ సృష్టిస్తున్నాయి. మరి చంద్రముఖి స్థాయి విజయాన్ని చంద్రముఖి 2 కూడా అందుకుంటుందేమో చూడాలి.
ట్విట్టర్ పోస్ట్ చేయండి
చంద్రముఖి 2 సినిమాపై రాధికా శరత్ కుమార్ ట్వీట్
It’s a wrap #chandramukhi2 @LycaProductions wht a joy working with a director so thorough with his craft and vision #pvasu 🙏 and thank you to this gem @offl_Lawrence who is the first hero who gifted me a gold ring and expensive watch, genuine affection ❤️❤️❤️❤️ pic.twitter.com/9WlBRBuKqH
— Radikaa Sarathkumar (@realradikaa) May 28, 2023