ఆదిపురుష్ ప్రీ రిలీజ్ ఈవెంట్ ముఖ్య అతిథిగా ఎవరు వస్తున్నారంటే?
ఈ వార్తాకథనం ఏంటి
ప్రభాస్, క్రితి సనన్ జంటగా నటిస్తున్న ఆదిపురుష్ చిత్రం, జూన్ 16వ తేదీన థియేటర్లలోకి రానుంది. ఈ నేపథ్యంలో ప్రచార కార్యక్రమాల్లో వేగం పెంచింది చిత్ర బృందం.
ఈ ప్రమోషన్ ఈవెంట్లను ప్రీ రిలీజ్ ఈవెంట్ తో భారీగా మొదలు పెట్టనుంది. జూన్ 6వ తేదీన తిరుపతిలోని శ్రీ వెంకటేశ్వర యూనివర్సిటీ మైదానంలో సాయంత్రం 6గంటల నుండి ఆదిపురుష్ ప్రీ రిలీజ్ ఈవెంట్ జరగనుంది.
ఈ ఈవెంట్ కి ముఖ్య అతిథిగా చినజీయర్ స్వామి వస్తున్నారని సమాచారం.
అలాగే ఈ ఈవెంట్ లో ఆదిపురుష్ సెకండ్ ట్రైలర్ విడుదల అవుతుందని అంటున్నారు. ఇంకా ఈవెంట్లో చాలా సర్ప్రైజెస్ ఉండబోతున్నాయని చెబుతున్నారు.
Details
ఆదిపురుష్ థియేట్రికల్ హక్కులకు భారీగా డిమాండ్
ఆదిపురుష్ ట్రైలర్ రిలీజ్ అయినప్పటి నుండి అభిమానుల్లో అంచనాలు బాగా పెరిగిపోయాయి.
ట్రైలర్ లో కనిపించిన విజువల్స్, త్రీడీలో ఇంకా బాగా కనిపిస్తాయని, వెండితెర మీద రామాయణ దృశ్యకావ్యం ఆవిష్కరింపబడుతుందని అభిమానులు అనుకుంటున్నారు.
ఆదిపురుష్ థియేట్రికల్ హక్కులు భారీ ధరకు అమ్ముడవుతున్నట్లు తెలుస్తోంది. తెలుగు రాష్ట్రాల్లో ఆదిపురుష్ థియేట్రికల్ హక్కులు 160కోట్లకు అమ్ముడైనట్లు వార్తలు వచ్చాయి. హిందీలోనూ భారీగా డిమాండ్ కనిపిస్తోందని సమాచారం.
అదలా ఉంచితే, ఆదిపురుష్ సినిమాలో ప్రభాస్ రాముడిగా, క్రితి సనన్ సీతగా కనిపిస్తున్నారు. లక్ష్మణుడిగా సన్నీ సింగ్, రావణాసురుడిగా సైఫ్ అలీ ఖాన్ నటిస్తున్నారు.