Chiranjeevi birthday special: తెర మీద సినిమా హీరో, తెర వెనుక రియల్ హీరో
ఈ వార్తాకథనం ఏంటి
హీరోగా చిరంజీవి చేసిన సినిమాలు ప్రేక్షకులకు వినోదాన్ని అందిస్తే, నిజ జీవితంలో ఆయన చేసిన సహాయ కార్యక్రమాలు జనాలకు ఆలంబన అందించాయి.
ప్రజలకు మంచి చేయాలన్న ఉద్దేశ్యంతో 1998లో చిరంజీవి ఛారిటబుల్ ట్రస్టును చిరంజీవి స్థాపించారు. ఈ ట్రస్టు కింద చిరంజీవి బ్లడ్ బ్యాంక్, చిరంజీవి ఐ బ్యాంక్ ఉన్నాయి.
చిరంజీవి బ్లడ్ బ్యాంక్ ద్వారా ఎంతో మంది ప్రజలు సాయం పొందారు. ఐ బ్యాంక్ ద్వారా ఎంతో మంది ప్రపంచాన్ని చూడగలిగారు.
అటు సినిమా ఇండస్ట్రీకి చెందిన వారికి గానీ, ఇటు తన అభిమానులకు గానీ ఏ అవసరమొచ్చిన చిరంజీవి ఎప్పుడూ ముందుంటారు. కరోనా సమయంలో చిరంజీవి అందించిన సాయం అందరికీ తెలిసిందే.
Details
గోదావరి వరద ప్రాంతాలకు చిరంజీవి సాయం
చిరంజీవి ఛారిటబుల్ ట్రస్ట్ కంటే ముందుగా కూడా అనేక విరాళాలు చిరంజీవి అందించారు.
1988లో యముడికి మొగుడు సినిమా సిల్వర్ జూబ్లీ వేడుకలు జరుగుతుండగా అక్కడికి వచ్చిన పత్తి రైతులు, పంట నష్టం కారణంగా నష్టపోయామని మొరపెట్టుకోవడంతో అప్పటికప్పుడు 2లక్షల రూపాయలను విరాళంగా ఇచ్చేసారు చిరంజీవి.
అలాగే 1989లో రుద్రవీణ సినిమాకు జాతీయ అవార్డు వచ్చింది. ఆ అవార్డుకు వచ్చిన 30వేల రూపాయలకు మరో 20వేలు కలిపి 50వేల మొత్తాన్ని నర్గీస్ దత్ క్యాన్సర్ ఇన్స్టిట్యూట్ కి విరాళంగా ఇచ్చారు.
1996లో గోదావరికి వరదలు రావడంతో ఆయా ప్రాంతంలోని జనాలకు తినడానికి బియ్యం, సరుకులు మొదలగు వాటన్నింటినీ చిరంజీవి పంపించారు.
Details
కెమెరామెన్ దేవరాజును ఆదుకున్న చిరంజీవి
రీసెంట్ గా తమిళ నటుడు పొన్నంబాలం ఆరోగ్యం విషమించడంతో చిరంజీవి సాయం అందించి ఆసుపత్రి ఖర్చులు మొత్తం చిరంజీవి చూసుకున్నారు. ఈ విషయాన్ని స్వయంగా పొన్నం బాలం ఒకానొక ఇంటర్వ్యూలో చెప్పుకొచ్చారు.
తాజాగా కెమెరామెన్ దేవరాజు ఆర్థిక ఇబ్బందుల్లో ఉంటే ఆయనకు 5లక్షల సాయాన్ని అందించి తన ఉదారగుణాన్ని చిరంజీవి చాటుకున్నారు.
ఇలా చెప్పుకుంటూ పోతే వందలు, వేల కొద్ది సాయాలు వెలికి చూస్తూనే ఉంటాయి. సినిమా ఇండస్ట్రీలో ఎన్నో అవార్డులు అందుకున్న మెగాస్టార్ చిరంజీవి, సినిమాకి అవతల కూడా జనాల్లో అంతే స్థాయిలో అభిమానాన్ని అందుకున్నారు.
రాజకీయాల్లో సైతనం తనదైన ముద్ర వేసి కేంద్ర పర్యాటక శాఖ మంత్రిగా దేశానికి సేవలు అందించారు చిరంజీవి.