తారకరత్న ఆరోగ్య పరిస్థితిపై మెగాస్టార్ చిరంజీవి అప్డేట్
ఈ వార్తాకథనం ఏంటి
నందమూరి తారకరత్న ఆరోగ్య పరిస్థితిపై మెగాస్టార్ చిరంజీవి, ట్విట్టర్ వేదికగా అప్డేట్ ఇచ్చారు. యువగళం పేరుతో లోకేష్ మొదలెట్టిన పాదయాత్రలో పాల్గొన్న నందమూరి తారకరత్న అస్వస్థతకు గురయ్యారు.
దాంతో అటు టీడీపీ శ్రేణుల్లో ఇటు నందమూరి అభిమానుల్లో కలవరం మొదలైంది. ప్రస్తుతం బెంగళూరులో తారకరత్నకు వైద్యం జరుగుతోంది.
గత మూడు నాలుగు రోజులుగా తారకరత్న ఆరోగ్య పరిస్థితిలో పెద్దగా మార్పు రాలేదని, పరిస్థితి కొంచెం సమస్యాత్మకంగా ఉందని హాస్పిటల్ బులెటిన్లు విడుదలయ్యాయి.
నందమూరి హీరోలు కళ్యాణ్ రామ్, జూనియర్ ఎన్టీఆర్ కూడా తారకరత్న ఆరోగ్య పరిస్థితిపై మీడియాకు వివరాలు తెలియజేసారు. ఇటీవల మంచు మనోజ్ కూడా బెంగళూరు వెళ్ళి మరీ తారకరత్న ఆరోగ్య పరిస్థితి తెలుసుకున్నారు.
మెగాస్టార్ చిరంజీవి
మెగాస్టార్ ట్వీట్ తో ఊపిరి పీల్చుకుంటున్న అభిమానులు
తారకరత్న త్వరగా కోలుకోవాలని సోషల్ మీడియా వేదికగా అభిమానులు అందరూ ప్రార్థిస్తున్నారు. ఆ అభిమానులంతా మెగాస్టార్ ట్వీట్ తో ఊపిరి పీల్చుకున్నారు.
తారకరత్న ఆరోగ్య పరిస్థితి గురించి తెలుసుకున్న మెగాస్టార్ చిరంజీవి, ట్విట్టర్ వేదికగా స్పందిస్తూ, సోదరుడు తారకరత్న త్వరగా కోలుకుంటున్నారు, ఇక ఏ ప్రమాదమూ లేదనే మాట ఎంతో ఉపశమనం ఇచ్చిందని చిరంజీవి చెప్పుకొచ్చారు.
ఇంకా, తను పూర్తి స్థాయిలో కోలుకుని ఇంటికి తిరిగి రావాలని కోరుకుంటున్నానని, ఈ పరిస్థితి నుండి కాపాడిన డాక్టర్లందరికీ ప్రత్యేక కృతజ్ఞతలు తెలియజేసారు చిరంజీవి.
ఇకపోతే తారకరత్న ఆరోగ్యం బాగుపడాలని పూజలు, ప్రార్థనలు చేస్తున్నారు నందమూరి అభిమానులు. సత్యసాయి జిల్లా హిందూపూర్ లో శివాలయంలో 121 కొబ్బరికాయలు కొట్టి పూజలు చేసారు.
ట్విట్టర్ పోస్ట్ చేయండి
తారకరత్న ఆరోగ్యంపై చిరంజీవి ట్వీట్
సోదరుడు తారకరత్న త్వరగా కోలుకుంటున్నారు,ఇంకఏ ప్రమాదం లేదు అనే మాటఎంతో ఉపశమనాన్నిచ్చింది. తను త్వరలో పూర్తి స్థాయిలో కోలుకుని ఇంటికి తిరిగి రావాలనికోరుకుంటూ,ఈ పరిస్థితి నుండి కాపాడిన ఆ డాక్టర్లకి
— Chiranjeevi Konidela (@KChiruTweets) January 31, 2023
ఆ భగవంతుడికికృతజ్ఞతలు.
May you have a long and healthy life dear Tarakaratna!