హీరోగా మారిన 30ఇయర్స్ పృథ్వీ, డార్క్ క్రైమ్ నేపథ్యంలో సినిమా మొదలు
ఈ వార్తాకథనం ఏంటి
కమెడియన్ పృథ్వీ గురించి ప్రత్యేకంగా పరిచయం చేయాల్సిన అవసరం లేదు. 30 ఇయర్స్ ఇండస్ట్రీ అనే ఒక్క డైలాగ్ తో తిరుగులేని క్రేజ్ సంపాదించుకున్న ఈ కమెడియన్, ప్రస్తుతం హీరోగా మారుతున్నాడు.
30 ఇయర్స్ పృథ్వీ, నిఖితా శ్రీ కాంబినేషన్లో భ్రమర అనే టైటిల్ తో సినిమా తెరకెక్కుతోంది. డార్క్ క్రైమ్ నేపథ్యంలో సాగే ఈ సినిమా చిత్రీకరణ ఢిల్లీ, కోల్ కతా, బెంగళూరు ప్రాంతాల్లో జరగనుంది.
నిజ జీవితంలో జరిగిన సంఘటన ఆధారంగా రూపొందుతున్న ఈ సినిమా, రామానాయుడు స్టూడియోలో బుధవారం లాంఛనంగా ప్రారంభమైంది.
Details
టీవీ నారాయణన్ దర్శకత్వంలో రూపొందుతున్న సినిమా
ప్రముఖ నిర్మాత బెక్కం వేణుగోపాల్ క్లాప్ తో ముహూర్త సన్నివేశం మొదలైంది. తెలంగాణ ఎఫ్.డీ.సీ చైర్మన్ అనిల్ కూర్మాచలం కెమెరా స్విచ్ ఆన్ చేశారు.
టీవీ నారాయణన్ దర్శకత్వం వహిస్తున్న ఈ సినిమాకు జి మురళీకృష్ణ నిర్మాతగా వ్యవహరిస్తున్నారు.
ఈ సినిమా ప్రారంభ కార్యక్రమంలో దర్శకుడు మాట్లాడుతూ, ఈ సినిమా కాన్సెప్ట్ ప్రేక్షకులకు తప్పకుండా నచ్చుతుందని, మరికొద్ది రోజుల్లో రెగ్యులర్ షూటింగ్ మొదలవుతుందని అన్నారు.
ఈ సినిమాలో నాగ మహేష్, జబర్దస్త్ అప్పారావు, మీసాల లక్ష్మణ్, పసునూరి శ్రీనివాస్, దువ్వాసి మోహన్, జయవాణి, మాణిక్యం, టార్జాన్ తదితరుల్ నటిస్తున్నారు.
జిఎంకే ఎంటర్టైన్మెంట్స్ రూపొందిస్తున్న ఈ సినిమాకు సంగీతాన్ని కార్తీక్ బి కొడగండ్ల అందిస్తున్నారు.