VenkyAnil3 : 'సంక్రాంతికి వస్తున్నాం'.. వెంకీ-అనిల్ రావిపూడి కొత్త సినిమాకు ఫస్ట్ లుక్ విడుదల!
విక్టరీ వెంకటేష్ హీరోగా, అనిల్ రావిపూడి దర్శకత్వంలో వస్తున్న 'వెంకీఅనిల్03' ప్రాజెక్టు హైదరాబాద్ లోని ఆర్ఎఫ్‌సీలో షూటింగ్ జరుగుతోంది. ఈ చిత్రం పొల్లాచ్చిలో ఒక ప్రధాన షెడ్యూల్‌ను విజయవంతంగా పూర్తి చేసుకుంది. వెంకటేష్ సరసన ఐశ్వర్య రాజేష్ భార్యగా, మీనాక్షి చౌదరి మాజీ ప్రేయసిగా నటిస్తున్నారు. ఈ చిత్రం ఒక పూర్తి స్థాయి ఎంటర్‌టైనర్‌గా రూపొందిస్తున్నారు. ఇందులో ట్రై యాంగిల్ క్రైమ్, డ్రామా అంశాలను కలిగి ఉంటుంది. దిల్ రాజు సమర్పణలో శిరీష్ ఈ చిత్రాన్ని నిర్మిస్తున్నారు. ఇవాళ మేకర్స్ 'సంక్రాంతికి వస్తున్నాం' అనే టైటిల్, ఫస్ట్ లుక్ పోస్టర్‌ను విడుదల చేశారు. పోస్టర్‌లో, లుంగీ ధరించిన వెంకటేష్ గంభీరమైన భంగిమలో, స్పోర్టింగ్ షేడ్స్, తుపాకీ పట్టుకుని ఉన్నారు.
వచ్చే ఏడాది జనవరిలో మూవీ రిలీజ్
వెంకీ ఆన్-స్క్రీన్ భార్య ఐశ్వర్య రాజేష్ సాంప్రదాయ లుక్‌లో, అలాగే మాజీ ప్రేయసి మీనాక్షి చౌదరి కొంచె స్టైల్‌గా కనిపిస్తున్నారు. ఈ చిత్రానికి భీమ్స్ సిసిరోలియో సంగీతం అందించగా, సమీర్ రెడ్డి సినిమాటోగ్రఫీని నిర్వహిస్తున్నారు. ఎఎస్ ప్రకాష్ ప్రొడక్షన్ డిజైనర్‌గా, తమ్మిరాజు ఎడిటర్‌గా పని చేస్తున్నారు. స్క్రీన్‌ప్లేను ఎస్ కృష్ణ, జి ఆదినారాయణ అందించగా, యాక్షన్ సన్నివేశాలకు కొరియోగ్రఫీని వి వెంకట్ అందిస్తున్నాడు. ప్రస్తుతం ఈ సినిమా డబ్బింగ్ పనులు కూడా మొదలుపెట్టింది. ఈ మూవీ వచ్చే ఏడాది జనవరిలో రిలీజ్ కానుంది.
