Sasivadane : సరికొత్త లవ్ స్టోరీతో వచ్చేస్తున్న 'శశివదనే.. టీజర్ రిలీజ్!
పలాస్ 1978 ఫేం రక్షిత్ అట్లూరి, కోమలీ హీరో హీరోయిన్లగా నటిస్తున్న తాజా చిత్రం 'శశివదనే'(Sasivadane). గౌరీ నాయుడు సమర్పణలో ఏజీ ఫీల్మ్ కంపెనీ, ఎస్‌వీఎస్ స్టూడియస్ బ్యానర్‌పై అహితేజ బెల్లంకొండ, అభిలాష్ రెడ్డి నిర్మిస్తున్నారు. గోదావరి నేపథ్యంలో సరికొత్త లవ్ స్టోరీగా తెరకెక్కుతున్న ఈ సినిమాకు సాయి మోహన్ ఉబ్బర దర్శకత్వం వహిస్తున్నారు. ఇప్పటికే ఈ సినిమా షూటింగ్ పూర్తి చేసుకుంది. ఎటువంటి హాడావుడి లేకుండా తాజాగా ఈ మూవీ టీజర్స్‌ను మేకర్స్ రిలీజ్ చేశారు. టీజర్ చూస్తే విలీజ్ బ్యాక్ డ్రాప్‌లో ఉన్న ప్రేమ సన్నివేశాలు హృదయాన్ని హత్తుకుంటాయి.
త్వరలోనే మూవీ రిలీజ్ డేట్ ను ప్రకటించనున్న మేకర్స్
ఇక ఈ చిత్రం నుంచి ఇప్పటివరకూ విడుదలైన శశివదనే, డీజే పిల్లా సాంగ్స్ కు ప్రేక్షకుల నుంచి మంచి రెస్పాన్స్ వచ్చింది. ఇప్పుడు రిలీజైన టీజర్‌తో ఈ మూవీపై అంచనాలు పెరిగిపోయాయి. త్వరలోనే ఈ చిత్రం ట్రైలర్, రిలీజ్ డేట్ ను త్వరలోనే మేకర్స్ ప్రకటించనున్నారు. ఈ చిత్రానికి శరవణన్ వాసుదేవన్ సంగీతం అందిస్తున్నారు. ఈ మూవీలో శ్రీమన్, దీపక్ ప్రిన్స్, జబర్దస్త్ బాబీ, రంగస్థలం మహేష్ కీలక పాత్రలు పోషిస్తున్నారు.
