సినిమాకు కథ ముఖ్యమనేది పచ్చి అబద్ధం.. బాలీవుడ్ స్టార్ సిస్టం పై తాప్సీ పన్ను కామెంట్స్
ఈ వార్తాకథనం ఏంటి
తెలుగులో ఎన్నో సినిమాల్లో నటించిన తాప్సీ పన్ను, ఇక్కడ సరైన విజయాలను అందుకోలేకపోయింది. దాంతో బాలీవుడ్ కి వెళ్ళిపోయారు.
బాలీవుడ్ లో తాప్సీ పన్నుకు మంచి విజయాలు వచ్చాయి. దాంతో నిర్మాతగానూ మారిపోయారు. ప్రస్తుతం తాప్సీ పన్ను నిర్మాతగా ధక్ ధక్ సినిమా విడుదలైంది.
ఈ క్రమంలో ఒకానొక ఇంటర్వ్యూలో తాప్సీ మాట్లాడుతూ, సినిమాకు కథే ముఖ్యమని చాలామంది చెబుతారు, కానీ అది అబద్ధమని, చాలా మంది కథ ఒక లైన్ చెప్పగానే హీరో ఎవరని అడుగుతారని అన్నారు.
ఇండస్ట్రీ మొత్తం హీరో ఆధారంగానే నడుస్తుందని, దానివల్ల చిన్న సినిమాలపై చాలా ప్రభావం పడుతుందని తాప్సీ పన్ను అన్నారు.
Details
నష్టపోతున్న చిన్న సినిమాలు
సినిమా ఇండస్ట్రీ మొత్తం హీరో ఎవరనే దానిపై నడుస్తోందని, దానివల్ల చిన్న సినిమాలకు ఇబ్బంది కలుగుతుందని తాప్సీ అన్నారు.
హీరో ఎవరో తెలుసుకోవాలనే ఆసక్తి ఇండస్ట్రీ జనాలకు ఎక్కువగా ఉంటుందని, అంతేకానీ అసలు కథ ఏంటో తెలుసుకోవాలన్న ఇంట్రెస్ట్ కొంచెం కూడా ఉండదని, తాను ఏదైనా సినిమాకు సైన్ చేసినప్పుడు అందులో ఎవరు నటిస్తున్నారనే విషయాన్ని ఎప్పుడూ అడగలేదని తాప్సీ అన్నారు.
చిన్న సినిమాలను విడుదలకు ముందే ఓటీటీ ఫ్లాట్ ఫామ్స్ కు అమ్మేస్తున్నారని, దానివల్ల ఆ సినిమాల్ను థియేటర్లలో విడుదల చేయడానికి ఎవరూ ఇంట్రెస్ట్ చూపడం లేదని, దానివల్ల ఇండస్ట్రీ నష్టపోతుందని తాప్సీ అంటున్నారు.