#OG: పవన్ కళ్యాణ్, సుజిత్ కాంబో సినిమాకు టైటిల్ ఫిక్స్
పవర్ స్టార్ పవన్ కళ్యాణ్ వరుసగా సినిమాలు చేస్తూ వెళ్తున్నారు. ప్రస్తుతం ఆయన చేతిలో హరిహర వీరమల్లు, #PKSDT, #OG, ఉస్తాద్ భగత్ సింగ్ చిత్రాలున్నాయి. అయితే ఈ సినిమాలన్నింటిలో ఏ సినిమా, ముందుగా ప్రేక్షకుల ముందుకు వస్తుందనేది ఇంకా తెలియడం లేదు. కాకపోతే వరుసగా ప్రతీ సినిమాకు డేట్స్ ఇస్తూ, షూటింగుల్లో పాల్గొంటున్నారు పవన్ కళ్యాణ్. తాజాగా పవన్ కళ్యాణ్ #OG సినిమాకు టైటిల్ ఫిక్స్ అయినట్లు మాటలు వినిపిస్తున్నాయి. రన్ రాజా రన్, సాహో చిత్రాలను రూపొందించిన సుజిత్ దర్శకత్వంలో తెరకెక్కుతోన్న ఈ చిత్రానికి #OG అనే వర్కింగ్ టైటిల్ ని పెట్టారు. ఇప్పుడీ వర్కింగ్ టైటిల్ నే అధికారిక టైటిల్ గా పెడతారన్నది టాక్ .
పాన్ ఇండియా ప్రేక్షకుల కోసం ఓజీ టైటిల్
OG అనే టైటిల్ జనాల్లోకి బాగా వెళ్ళిపోయిందనీ, అదైతేనే బాగుంటుందని మేకర్స్ ఫీలవుతున్నారట. అదీ కాకుండా ఈ చిత్రాన్ని పాన్ ఇండియా రేంజ్ లో విడుదల చేయాలని ప్లాన్ చేస్తున్నట్లు సమాచారం. ఈ నేపథ్యంలో పాన్ ఇండియా ప్రేక్షకులకు అర్థమయ్యేలా OG టైటిల్ బాగుంటుందని మేకర్స్ భావిస్తున్నట్లు ఫిలిమ్ నగర్ వర్గాల్లో వినిపిస్తోంది. టైటిల్ విషయమై అధికారికంగా మరికొద్ది రోజుల్లో సమాచారం రానుందని అంటున్నారు. ఓజీ చిత్ర షూటింగ్ ని త్వరగా పూర్తి చేసి వీలైతే ఇదే సంవత్సరం చివర్లో, లేదంటే వచ్చే సంవత్సరం వేసవిలో చిత్రాన్ని రిలీజ్ చేయాలని అనుకుంటున్నట్లు తెలుస్తోంది. డీవీవీ దానయ్య నిర్మిస్తున్న ఈ చిత్రానికి ఎస్ఎస్ థమన్, సంగీతం అందిస్తున్నారు.
