Vijay : దళపతి 69 అనౌన్స్‌మెంట్.. ఇదే చివరి సినిమా అంటూ అభిమానుల అందోళన
కోలీవుడ్‌ స్టార్‌ హీరో విజయ్‌ తన తదుపరి చిత్రాన్ని ప్రకటించారు. 'దళపతి 69' వర్కింగ్‌ టైటిల్‌తో ప్రచారంలో ఉన్న ఈ సినిమాకు హెచ్‌. వినోద్‌ దర్శకత్వం వహిస్తున్నాడు. ఈ చిత్రానికి స్వరాలను అనిరుధ్‌ అందించనున్నారు. కె.వి.ఎన్‌ ప్రొడక్షన్స్‌ సంస్థ ఈ చిత్రాన్ని నిర్మిస్తోంది. ''తమ మొదటి తమిళ ప్రాజెక్ట్‌గా #Thalapathy69ని ప్రకటించడం గర్వంగా ఉందని, ఈ సినిమాను విజయ్‌తో కలిసి చేయడం ఎంతో సంతోషకరమని, ఈ చిత్రాన్ని 2025 అక్టోబర్‌లో ప్రేక్షకుల వస్తుందని ఆ నిర్మాణ సంస్థ పేర్కొంది.
భావోద్వేగానికి గురవుతున్న అభిమానులు
ఈ ప్రకటన విజయ్‌ అభిమానులు సంతోష పడ్డారు. మరోవైపు, కొంతమంది భావోద్వేగానికి లోనవుతున్నారు. విజయ్‌ గత కొన్ని నెలలుగా రాజకీయాల్లో చురుకుగా ఉంటున్నారు. ఆయన ప్రజల సేవకు అంకితమవ్వాలన్న లక్ష్యంతో 'తమిళగ వెట్రి కళగం' అనే రాజకీయ పార్టీని స్థాపించారు. ఈ కారణంగా, విజయ్‌ తన సినిమాలకు దూరం అవ్వొచ్చని కొందరు అభిప్రాయపడుతున్నారు. ఇక 'దళపతి 69' విజయ్‌ చివరి సినిమా అని అభిమానుల్లో చర్చ నడుస్తోంది.
