నేనెప్పుడూ చేయనిది, మీరెప్పుడూ చూడనిది కనిపించే సమయం వచ్చేసిందంటున్న అల్లరి నరేష్
ఈ వార్తాకథనం ఏంటి
తన పాత పంథాను పక్కనపెట్టి కొత్తగా కనిపించే ప్రయత్నం చేస్తున్నాడు అల్లరి నరేష్. ఆ క్రమంలోనే నాంది సినిమాతో మంచి విజయం అందుకున్నాడు.
ఆ తర్వాత వచ్చిన ఇట్లు మారేడుమిల్లి ప్రజానీకం అంతగా సక్సెస్ కాకపోయినప్పటికీ మరోమారు అదే దారిలో ఉగ్రం అంటూ వస్తున్నాడు.
నాంది సినిమా దర్శకుడు విజయ్ కనకమేడల రూపొందిస్తున్న ఉగ్రం చిత్రంలో మలయాళీ భామ మిర్నా హీరోయిన్ గా నటిస్తోంది. తాజాగా ఈ సినిమా నుండి అప్డేట్ బయటకు వచ్చింది.
ఉగ్రం మూవీ టీజర్, ఫిబ్రవరి 22వ తేదీన ఉదయం 11:34 గంటలకు రిలీజ్ అవుతుందని ప్రకటించారు.
ఈ మేరకు అల్లరి నరేష్ ట్వీట్ చేస్తూ, నేనెప్పుడూ చేయని పాత్రలో, మీరెప్పుడు చూడని పాత్రలో కనిపిస్తున్నానని అన్నాడు.
అల్లరి నరేష్
టీజర్ రిలీజ్ పోస్టర్లో సీరియస్ గా కనిపిస్తున్న అల్లరి నరేష్
టీజర్ రిలీజ్ అనౌన్స్ మెంట్ పోస్టర్లో అల్లరి నరేష్ చాలా సీరియస్ గా కనిపిస్తున్నాడు. ఈ సినిమా మీద అటు జనాల్లో ఇటు పరిశ్రమలో మంచి అంచనాలు ఉన్నాయి. నాంది సినిమా కాంబినేషన్ మళ్ళీ ఈ సినిమాతో రిపీట్ అవుతుండడంతో అంచనాలు పెరిగాయి.
మరి ఆ అంచనాలను అల్లరి నరేష్, విజయ కనకమేడల నిజం చేస్తారో లేదో చూడాలి.
తూము వెంకట్, అబ్బూరి రవి.. ఉగ్రం సినిమాకు కథను అందించారు.
సాహు గారపాఠి, హరీష్ పెద్ది నిర్మాతలుగా షైన్ స్క్రీన్ బ్యానర్ లో రూపొందుతోంది. శ్రీ చరణ్ పాకాల సంగీతమందిస్తున్న ఈ సినిమా మే 5వ తేదీన థియేటర్లలో విడుదల కానుంది.