ప్రాజెక్ట్ కె నుండి దీపికా పదుకొణె లుక్ రిలీజ్: అభిమానులు నిరాశ చెందారా?
ఈ వార్తాకథనం ఏంటి
ప్రస్తుతం తెలుగు సినిమా ఇండస్ట్రీ నుండి వస్తున్న భారీ చిత్రాల్లో ప్రాజెక్ట్ కె ఒకటి. ఈ సినిమాపై ఉన్న అంచనాలు అన్నీ ఇన్నీ కావు.
ప్రభాస్ హీరోగా నటిస్తున్న ఈ సినిమా నుండి ఇప్పటివరకు ప్రభాస్ లుక్ రిలీజ్ కాలేదు. కానీ ప్రస్తుతం ప్రాజెక్ట్ కె లో హీరోయిన్ గా నటిస్తున్న దీపికా పదుకొణె లుక్ ని రిలీజ్ చేసారు.
సింపుల్ గా సీరియస్ గా ఎటో చూస్తున్నట్టున్న దీపికా పదుకొణె పోస్టర్, సడెన్ గా రిలీజై ప్రాజెక్ట్ కె అభిమానులకు సర్ప్రైజ్ ఇచ్చింది.
ఈ పోస్టర్ లో కేవలం ముఖభాగం మాత్రమే ఎక్కువగా చూపించడంతో అసలు దీపికా క్యారెక్టర్ ఎలా ఉంటుందనేది పోస్టర్ ద్వారా తెలియడం లేదు.
Details
జులై 21న ప్రాజెక్ట్ కె గ్లింప్స్ రిలీజ్
పోస్టర్ బ్యాగ్రౌండ్ ఇమేజ్ లో సినిమాకు సంబంధించిన ఎలాంటి విషయం కనిపించకపోవడంతో, అసలు ప్రాజెక్ట్ కె లో దీపికా పాత్ర ఎలా ఉండబోతుందో తెలియడం లేదు.
కేవలం దీపికా లుక్ మాత్రమే రివీల్ చేయడంతో సోషల్ మీడియా ద్వారా తమ నిరాశను నెటిజన్లు వెళ్ళగక్కుతున్నారు.
అదలా ఉంచితే, ప్రస్తుతం ప్రాజెక్ట్ కె టీమ్, అమెరికా వెళ్ళనుంది. సాన్ డియాగోలో జులై 19-23 మధ్య జరగబోయే కామిక్ కాన్ ఇంటర్నేషనల్ ఈవెంట్లో జులై 21వ తేదీన ప్రాజెక్ట్ టీమ్ పాల్గొంటుంది. ఆరోజునే ప్రాజెక్ట్ కె గ్లింప్స్ ని రివీల్ చేయనున్నారు.
నాగ్ అశ్విన్ దర్శకత్వం వహిస్తున్న ప్రాజెక్ట్ కె సినిమాను వైజయంతీ మూవీస్ బ్యానర్ పై సి అశ్వనీదత్ నిర్మిస్తున్నారు.