Deepika Padukone: దీపావళి ఆనందంలో దీపిక, రణ్ వీర్.. కూతురు ఫోటోను రిలీవ్ చేసిన జంట!
ఈ వార్తాకథనం ఏంటి
బాలీవుడ్‌ ప్రముఖ జంట దీపికా పదుకొణే, రణ్ వీర్ సింగ్ తమ కూతురు 'దువా'ను ప్రపంచానికి పరిచయం చేశారు. సోషల్ మీడియాలో తొలి సారిగా తమ కూతురు ఫొటోను అభిమానుల కోసం పంచుకున్నారు. దీపావళి వేడుకల సందర్భంగా దువా ఫొటోను రివీల్ చేశారు. ఈ ఫొటో సోషల్ మీడియాలో వెంటనే వైరల్‌గా మారింది. పాప చాలా క్యూట్‌గా ఉందని, అభిమానులు కామెంట్లలో తమ ప్రేమను వ్యక్తం చేస్తున్నారు. గతేడాది సెప్టెంబర్‌లో దీపిక, రణ్ వీర్ జంటకు కూతురు పుట్టింది. పాపకు దువా అని నామకరణం చేశారు. ఇప్పటివరకు ఈ జంట తమ కూతురిని మీడియా లేదా సోషల్ మీడియాలో ఫొటోలు పంచుకోవడం లేదు.
Details
సోషల్ మీడియాలో ఫోటో వైరల్
ఇతర సెలబ్రిటీల్లాగే, తమ బిడ్డ ప్రైవసీకి ప్రాధాన్యం ఇచ్చి 'నో ఫొటో పాలసీ'ను అనుసరిస్తూ వచ్చారు. ఒక సందర్భంలో దీపిక తన కూతురుతో కలిసి ఎయిర్‌పోర్ట్‌లో కనిపించగా, వీడియో తీసేందుకు ప్రయత్నించిన మీడియాపై ఆమె ఆగ్రహం వ్యక్తం చేశారు. తమ కూతురు ప్రైవసీని గౌరవించాలని అడిగారు. అలాగే అప్పటి వరకు రికార్డు చేసిన వీడియోలను తొలగించమని మీడియా సిబ్బందిపై అసహనం వ్యక్తం చేశారు. అయితే ఇప్పటివరకు దువా ఫేస్‌ను సీక్రెట్‌గా ఉంచిన దీపికా-రణ్ వీర్ జంట, దీపావళి పండుగను పురస్కరించుకొని తమ కూతురు దువాతో కలిసి దిగిన ఫొటోలు సోషల్ మీడియాలో షేర్ చేసి, అభిమానులతో తమ ఆనందాన్ని పంచుకున్నారు.