దేవర నుండి లేటెస్ట్ అప్డేట్: ఆ ఫైట్ సీన్ కంప్లీట్
జూనియర్ ఎన్టీఆర్ హీరోగా రూపొందుతున్న దేవర సినిమా షూటింగ్ చకచకా జరిగిపోతుంది. మొదలు కావడంలో చేసిన ఆలస్యం, షూటింగ్ లో చేయడం లేదు. ఇప్పటికే రెండు షెడ్యూల్స్ కంప్లీట్ అయిపోయాయి. తాజాగా ఈ సినిమా నుండి అప్డేట్ వచ్చింది. దేవర సినిమా కెమెరామెన్ రత్నవేలు, ఈ అప్డేట్ ని పంచుకున్నాడు. దేవర సినిమా మొదలెట్టినప్పటి నుండి ఈ సినిమాలో యాక్షన్ సీన్స్ ఎక్కువగా ఉంటాయని చిత్రబృందం చెబుతూ వస్తోంది. యాక్షన్ సీన్ల కోసం హాలీవుడ్ స్టంట్ మాస్టర్ కెన్నీ బేట్స్ ని తీసుకొచ్చారు కూడా. ప్రస్తుతం, ఇంపార్టెంట్ యాక్షన్ సీక్వెన్స్ పూర్తయ్యిందని సమాచారం. నైట్ ఎఫెక్ట్ లో జరిగే ఫైట్ సీక్వెన్స్ పూర్తయ్యిందని, కెమెరామెన్ రత్నవేలు ట్వీట్ చేసారు.
అభిమానులకు కిక్ ఇచ్చిన ట్వీట్
రత్నవేలు ట్వీట్ ఇప్పుడు వైరల్ గా మారింది. ఫస్ట్ లుక్ తర్వాత దేవర నుండి అప్డేట్ రాలేదని బాధపడుతున్న అభిమానులు అందరికీ కెమెరామెన్ ఇచ్చిన అప్డేట్ తో మంచి కిక్ వచ్చింది. దేవర సినిమాలో బాలీవుడ్ బ్యూటీ జాన్వీ కపూర్ హీరోయిన్ గా నటిస్తోంది. అలాగే బాలీవుడ్ నటుడు సైఫ్ ఆలీ ఖాన్ విలన్ గా కనిపిస్తున్నారు. యువసుధ ఆర్ట్స్, ఎన్టీ రామారావు ఆర్ట్స్ బ్యానర్ లో సంయుక్తంగా తెరకెక్కుతున్న ఈ సినిమాను కొరటాల శివ డైరెక్ట్ చేస్తున్నారు. వచ్చే సంవత్సరం ఏప్రిల్ 5వ తేదీన దేవర సినిమాను విడుదల చేస్తామని చిత్రబృందం ప్రకటించింది.
