Devara: జూనియర్ ఎన్టీఆర్ ఫ్యాన్స్‌కు పండగే.. రెండు భాగాలుగా రానున్న 'దేవర' మూవీ
జూనియర్ ఎన్టీఆర్- డైరెక్టర్ కొరటాల శివ దర్శకత్వంలో రూపుదిద్దుకుంటున్న చిత్రం 'దేవర'. ఈ మూవీకి సంబంధించిన కీలక అప్డేట్‌ను కొరటాల శివ ఓ వీడియో సందేశం ద్వారా బుధవారం వెల్లడించారు. దేవర మూవీని రెండు భాగాలుగా విడుదల చేయనున్నట్టు తెలిపారు. ఈ సినిమా స్టోరీ చాలా పెద్దదని, షూటింగ్ స్టార్ట్ అయ్యే కొద్దీ సినిమా మరింత పెద్దదైందని వెల్లడించారు. ఒక భాగంగా సినిమాను విడుదల చేయడం వల్ల న్యాయం చేయలేమన్నారు. అందుకే ఈ కథను రెండు భాగాలుగా చెప్పాలని నిర్ణయించుకున్నామన్నారు. దేవర పార్ట్-1 ఏప్రిల్ 5, 2024న విడుదల కానుంది. జాన్వీ కపూర్ తెలుగులో దేవర సినిమాతో అరంగేట్రం చేస్తోంది. అనిరుధ్ స్వరాలు సమకూరుస్తున్నారు.
