LGM మూవీ ట్రైలర్ లాంచ్ చేయడానికి చెన్నై చేరుకున్న ధోనీ దంపతులు: లాంచ్ ఎప్పుడంటే?
ఈ వార్తాకథనం ఏంటి
ఇంటర్నేషనల్ క్రికెట్ కు రిటైర్మెంట్ ప్రకటించిన ధోనీ, సినిమా నిర్మాణ రంగంలోకి అడుగు పెట్టిన సంగతి తెలిసిందే.
ధోనీ ఎంటర్ టైన్మెంట్స్ బ్యానర్ ను మొదలుపెట్టిన కెప్టెన్ కూల్, LGM(లెట్స్ గెట్ మ్యారీడ్) అనే సినిమాను ప్రేక్షకుల ముందుకు తీసుకొస్తున్నారు.
హరీష్ కళ్యాణ్, ఇవానా జంటగా నటిస్తున్న ఈ చిత్రాన్ని రమేష్ తమిల్మని తెరకెక్కిస్తున్నారు. ఇదివరకు ఈ సినిమా నుండి ఒక పాట కూడా రిలీజైంది. ఆ పాటకు ప్రేక్షకుల నుండి మంచి స్పందన వచ్చింది.
ప్రస్తుతం, ఈ సినిమా ట్రైలర్, ఆడియో రిలీజ్ చేయడానికి చెన్నైకి ధోనీ దంపతులు వచ్చేసారు. నిన్న సాయంత్రం చెన్నై ఎయిర్ పోర్టులో ధోనీ, సాక్షి దిగడంతో అభిమానులంతా ధోనీ, ధోనీ అంటూ అరవడం మొదలుపెట్టారు.
Details
LGM ఎప్పుడు రిలీజ్ అవుతుందంటే?
ప్రస్తుతం ఎయిర్ పోర్టులోని ధోనీ ఫోటోలు, వీడియోలు ఇంటర్నెట్ లో చక్కర్లు కొడుతున్నాయి.
ఐపీఎల్ లో చెన్నై సూపర్ కింగ్స్ అద్భుత విజయం తర్వాత చెన్నైకి ధోనీ రావడం ఇదే మొదటిసారి కావడంతో అభిమానులు అంతా ఎయిర్ పోర్టులో కిక్కిరిసిపోయారు.
ఈరోజు సాయంత్రం LGM(లెట్స్ గెట్ మ్యారిడ్) ట్రైలర్ రిలీజ్ కానుంది. ఈ సినిమాలో సీనియర్ నటి నదియా, యోగిబాబు, మిర్చి విజయ్ ఇతర ప్రధాన పాత్రల్లో నటిస్తున్నారు.
ఈ సినిమాకు దర్శకత్వం వహిస్తున్న రమేష్ తమిల్మని, మ్యూజిక్ కూడా అందించారు. యూత్ ఫుల్ ఎంటర్ టైనర్ గా రూపొందిన ఈ సినిమాను ఎప్పుడు విడుదల చేస్తున్నారో ఇంకా వెల్లడి చేయలేదు.
ట్విట్టర్ పోస్ట్ చేయండి
ఎయిర్ పోర్టులో ధోనీ వీడియో
MS Dhoni arrived in Chennai.
— Johns. (@CricCrazyJohns) July 9, 2023
Huge welcome for Thala, incredible scenes. pic.twitter.com/TBw9nq2chx