విజయ్ లియో మూవీలో రామ్ చరణ్ నటించాడా? ఆ లిస్టులో రామ్ చరణ్ పేరెందుకు ఉంది?
ఈ వార్తాకథనం ఏంటి
ఖైదీ, విక్రమ్ సినిమాలతో దేశవ్యాప్తంగా దర్శకుడు లోకేష్ కనగరాజ్ పేరు తెచ్చుకున్నాడు. ప్రస్తుతం ఆయన దర్శకత్వంలో దళపతి విజయ్ హీరోగా లియో సినిమా తెరకెక్కింది.
లియో సినిమాపై అభిమానుల్లో అంచనాలు భారీగా ఉన్నాయి. ఇటీవల ఈ చిత్ర ట్రైలర్ రిలీజ్ అయింది. దసరా కానుకగా అక్టోబర్ 19వ తేదీన థియేటర్లలో సినిమా రిలీజ్ అవుతుంది.
అయితే ఈ సినిమాలో రామ్ చరణ్ కూడా నటిస్తున్నాడని గతంలో అనేక వార్తలు వచ్చాయి. తాజాగా మరోసారి ఈ వార్తలు ఊపందుకున్నాయి. దానికి కారణం లేకపోలేదు.
అమెరికాలోని ఒకానొక టికెట్ బుకింగ్ వెబ్ సైట్ లో లియో మూవీలో నటించిన నటీనటుల పేర్ల జాబితాలో రామ్ చరణ్ పేరు ఉండడమే దానికి కారణం.
Details
లియో మూవీ ట్రైలర్ కు హాలీవుడ్ మూవీతో పోలికలు
లియో మూవీలో నటించిన వారిలో దళపతి విజయ్, మెగా పవర్ స్టార్ రామ్ చరణ్, హీరోయిన్ త్రిష, అనురాగ్ కశ్యప్, సంజయ్ దత్, గౌతమ్ మీనన్ వంటి పేర్లు ఉండడంతో లియో మూవీలో రామ్ చరణ్ నటిస్తున్నాడనే వార్తలు మళ్లీ ఊపందుకున్నాయి.
మరి టికెట్ బుకింగ్ వెబ్ సైట్ వారు రామ్ చరణ్ పేరును తప్పుగా వేశారా? లేదంటే నిజంగానే లియో మూవీలో రామ్ చరణ్ నటిస్తున్నాడా అనేది తెలియాలంటే సినిమా రిలీజ్ అయ్యే వరకు వేచి చూడాల్సిందే.
అదలా ఉంచితే, లియో మూవీ ట్రైలర్ చూసిన వాళ్ళందరూ, హాలీవుడ్ లో రూపొందిన ఏ హిస్టరీ ఆఫ్ వయలెన్స్ సినిమా మాదిరిగా ఉందని కామెంట్ చేస్తున్నారు.