నిర్మాతగా 20ఏళ్ళు పూర్తి: కేజీఎఫ్ హీరో యష్ తో సినిమా ఉంటుందంటున్న దిల్ రాజు
ఈ వార్తాకథనం ఏంటి
తెలుగు సినిమా నిర్మాతల్లో స్టార్ స్టేటస్ ఉన్న నిర్మాతగా దిల్ రాజును చెప్పుకోవచ్చు. మొదటి సినిమా దిల్ ని ఇంటిపేరుగా మార్చేసుకుని విభిన్నమైన సినిమాలు తీస్తూ వస్తున్నాడు.
ఈ క్రమంలో నిర్మాతగా 20ఏళ్ళు పూర్తి చేసుకున్నాడు. 2023 ఏప్రిల్ 4వ తేదీ నాటికి దిల్ రాజు నిర్మాతగా పరిచయమై 20ఏళ్ళు పూర్తయ్యింది. ఈ నేపథ్యంలో అభిమానులతో మాట్లాడాడు దిల్ రాజు.
చాలామంది చాలా ప్రశ్నలు అడగా, ఒక అభిమాని, హీరో యష్ తో మీ సినిమా ఉంటుందా అని అడగడంతో, తప్పకుండా అని సమాధానం ఇచ్చాడు దిల్ రాజు.
దాంతో యష్ అభిమానులు అందరూ సంబరపడుతున్నారు. మరికొద్ది రోజుల్లో తెలుగు సినిమాల్లో యష్ కనిపించబోతున్నాడని సోషల్ మీడియా వేదికగా కామెంట్లు పెడుతున్నారు.
దిల్ రాజు
చిరంజీవి, పవన్, ప్రభాస్ లతో సినిమాలు తీస్తానంటున్న దిల్ రాజు
ఇక్కడ విషయమేంటంటే, యష్ తో సినిమా ఉంటుందని చెప్పిన దిల్ రాజు, దానికి సంబంధించిన వివరాలేమీ వెల్లడి చేయలేదు. మరి ఈ సినిమా సినిమా ఎప్పుడు స్టార్ట్ అవుతుంది? ఏ జోనర్ లో ఉంటుందనేది ఏమీ తెలియదు.
మరి త్వరలోనైనా ఈ విషయం మీద వర్క్ జరుగుతుందేమో చూడాలి. అదలా ఉంచితే, చిరంజీవితోనూ సినిమా ఉంటుందని, ఆ సినిమాతో పూనకాలు లోడ్ అవుతాయని దిల్ రాజు తెలియజేసాడు.
పవన్ కళ్యాణ్ తో మరో మారు మూవీ ఉంటుందని అన్నాడు. ఇక ప్రభాస్ తోనూ సినిమా చేస్తానని, కాకపోతే చేతిలో ఉన్న ప్రాజెక్టులన్నీ పూర్తయ్యాక ప్రభాస్ తో సినిమా మొదలవుతుందని అన్నాడు దిల్ రాజు.