Renu Desai : 'వదిన' అని పిలవద్దు.. జానీ మాస్టర్‌పై రేణు దేశాయ్ ఫైర్!
ఈ వార్తాకథనం ఏంటి
స్టార్ హీరో పవన్ కళ్యాణ్ మాజీ భార్య, నటిగా తెలుగు ప్రేక్షకులకు బాగా పరిచయం ఉన్న రేణు దేశాయ్, విడాకుల తర్వాత ఎంతో ప్రశాంతమైన జీవితాన్ని గడుపుతున్నారు. సినీ కెరీర్‌కు విరామం ఇచ్చి, పిల్లలు అకీరా నందన్, ఆద్యలతో సమయం గడుపుతూ.. ఎన్జీవో ద్వారా మూగజీవాల సంరక్షణలో సేవ చేసేందుకు ముందుకొచ్చారు. ఆమె రెండో వివాహంపై అనేక రకాల గాసిప్స్ వచ్చినా, అవన్నీ అసత్యమని రేణు దేశాయ్ ఎప్పటికప్పుడు సోషల్ మీడియాలో స్పందించారు. సంప్రదాయాలు, కట్టుబాట్లకు ప్రాధాన్యత ఇచ్చే వ్యక్తిగా, తన జీవితం తనదేనని—ఎవరి అనుమతి అవసరం లేదని గుర్తుచేస్తూ ఉంటుంది.
Details
మరోసారి సినిమా కోసం గ్రీన్ సిగ్నల్
ఇలాంటి రేణు దేశాయ్, చాలా కాలం తర్వాత మరోసారి సినిమా కోసం గ్రీన్ సిగ్నల్ ఇచ్చారు. 'పదహారు రోజుల పండుగ' అనే కొత్త చిత్రంలో తాను నటిస్తున్నట్టు అధికారికంగా ప్రకటించారు. సాయి కృష్ణ దమ్మాలపాటి హీరోగా, ఉద్యన్ హీరోయిన్‌గా నటిస్తున్న ఈ చిత్రాన్ని సాయి కిరణ్ అడవి దర్శకత్వం వహిస్తున్నారు. స్టార్ యాంకర్ అనసూయ భరద్వాజ్, వెన్నెల కిషోర్, కృష్ణుడు, విష్ణు తదితరులు కీలక పాత్రల్లో నటిస్తున్నారు. ప్రదా పిక్చర్స్, సాయి సినీ బ్యానర్‌లపై సురేశ్ కుమార్ దేవత, హరిత దుద్దుకూరు, ప్రతిభ కలిసి ఈ చిత్రాన్ని నిర్మిస్తున్నారు.
Details
సోషల్ మీడియాలో షేర్ అవుతున్న వీడియో
ఇక ఇటీవల జరిగిన ఈ సినిమా ఓపెనింగ్ కార్యక్రమంలో రేణు దేశాయ్‌కు సంబంధించిన ఒక ఆసక్తికర సంఘటన సోషల్ మీడియాలో వైరల్ అవుతోంది. కొరియోగ్రాఫర్ జానీ మాస్టర్ రేణును చూసి "వదిన" అని పిలిచాడు. దీంతో రేణు దేశాయ్ వెంటనే సీరియస్‌గా స్పందిస్తూ—"ఎన్ని సార్లు చెప్పాలి? వదిన అని పిలవద్దు... అక్క అని పిలువు అని హెచ్చరించారు. వెంటనే జానీ మాస్టర్ నమస్కారం చేస్తూ పక్కన ఉన్న అనసూయ భరద్వాజ్‌ను పలకరించాడు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వేగంగా షేర్ అవుతోంది.