డబుల్ ఇస్మార్ట్ సినిమాలో సంజయ్ దత్: 25ఏళ్ల తర్వాత తెలుగులో నటించబోతున్న నటుడు?
పూరీ జగన్నాథ్ దర్శకత్వంలో డబుల్ ఇస్మార్ట్ అనే టైటిల్ తో రామ్ పోతినేని సినిమా చేస్తున్న సంగతి తెలిసిందే. ఇస్మార్ట్ శంకర్ సినిమాకు సీక్వెల్ గా ఈ సినిమా రూపొందుతుందని చిత్రబృందని ఆల్రెడీ వెల్లడి చేసింది. ఈ సినిమాలో బాలీవుడ్ స్టార్ యాక్టర్ సంజయ్ దత్ ని తీసుకుంటున్నారని వార్తలు గట్టిగా వినిపిస్తున్నాయి. ఒకానొక కీలక పాత్రలో సంజయ్ దత్ ని తీసుకుంటే బాగుంటుందని మేకర్స్ అనుకున్నారని, ఆల్రెడీ సంజయ్ దత్ ని సంప్రదించారని అంటున్నారు. ప్రస్తుతానికి ఈ విషయమై అధికారిక సమాచారం బయటకు రాలేదు. డబుల్ ఇస్మార్ట్ లో సంజయ్ దత్ చేరితే ఆ సినిమాకు మంచి మైలేజ్ వచ్చినట్టే.
హీరోయిన్, మ్యూజిక్ డైరెక్టర్ వివరాలు వెల్లడి చేయని టీమ్
గతంలో 1998లో చంద్రలేఖ సినిమాలో సంజయ్ దత్ తెలుగులో కనిపించారు. ఆ తర్వాత మళ్ళీ తెలుగు సినిమాల్లో సంజయ్ దత్ నటించలేదు. పూరీ కనెక్ట్స్ బ్యానర్ లో పూరీ జగన్నాథ్, చార్మీ కౌర్ సంయుక్తంగా నిర్మిస్తున్న ఈ సినిమాలో హీరోయిన్ గా ఎవరు నటిస్తున్నారనేది వెల్లడి కాలేదు. అలాగే స్వరాలు ఎవరు సమకూరుస్తున్నారో తెలియజేయలేదు. అదలా ఉంచితే, ప్రస్తుతం బోయపాటి దర్శకత్వంలో స్కంధ అనే సినిమా పనుల్లో రామ్ పోతినేని బిజీగా ఉన్నాడు. శ్రీలీల హీరోయిన్ గా కనిపిస్తున్న ఈ చిత్రం, సెప్తెంబర్ 15వ తేదీన తెలుగు, తమిళం, కన్నడ, మళయాలం, హిందీ భాషల్లో రిలీజ్ అవుతుంది.
