డ్యూడ్: ఫుట్ బాల్ నేపథ్యంలో రెండు భాషల్లో వస్తున్న ప్రేమకథ
ప్రస్తుతం పాన్ ఇండియా కథలు పెరుగుతున్నాయి. ప్రతీ ఇండస్ట్రీ నుంచి పాన్ ఇండియా లెవెల్ లో సినిమాలు వస్తున్నాయి. అందులో ఎన్ని సినిమాలు పాన్ ఇండియా ప్రేక్షకులను ఆకట్టుకుంటున్నాయనేది పక్కన పెడితే యూనివర్సల్ కథలతో అందరినీ ఆకట్టుకోవాలనే ప్రయత్నం మాత్రం అన్ని ఇండస్ట్రీలలో జరుగుతోంది. ప్రస్తుతం కన్నడ ఇండస్ట్రీ నుండి హీరో తేజ్ పాన్ ఇండియా లెవెల్ లో హిట్టు కొట్టడానికి ప్రయత్నం చేస్తున్నాడు. తేజ్ నటించిన పాన్ ఇండియా చిత్రం గాడ్ మరికొద్ది రోజుల్లో చిత్రీకరణను మొదలుపెట్టనుంది. అదలా ఉంచితే, ప్రస్తుతం తేజ్ నుండి స్పోర్ట్స్ డ్రామాలో సినిమా రాబోతుంది. డ్యూడ్ అనే టైటిల్ తో తెరకెక్కుతున్న ఈ సినిమాను తెలుగు, కన్నడ భాషల్లో రూపొందిస్తున్నారు.
స్వయంగా నిర్మిస్తూ, దర్శకత్వం చేస్తున్న తేజ్
ఫుట్ బాల్ నేపథ్యంలో తెరకెక్కిన డ్యూడ్ సినిమాకు కథను హీరో తేజ్ అందించారు. అంతేకాదు, పనరోమిక్ స్టూడియోస్ బ్యానర్ పై తేజ్ స్వయంగా ఈ సినిమాని నిర్మిస్తూ, దర్శకత్వం కూడా వహిస్తున్నాడు. ఫుట్ బాల్ నేపథ్యంలో రూపొందే ఈ ప్రేమకథ చాలా కొత్తగా ఉండబోతుందని సమాచారం. ఆల్రెడీ ప్రీ ప్రొడక్షన్ పనులను పూర్తి చేసుకున్న ఈ చిత్రం, డిసెంబర్ నెలలో షూటింగ్ మొదలు పెట్టనుంది. ఈ సినిమాలోని నటీనటులు ఫుట్ బాల్ నేర్చుకోవాల్సి ఉంటుంది. అందుకోసం కర్ణాటకలోని కిక్ స్టార్ట్ అనే ఫుట్ బాల్ క్లబ్ సహాయం చేస్తుందని సమాచారం.
