నాని "దసరా" నవరాత్రి యాత్ర డేట్స్ ఫిక్స్
మరో ఎనిమిది రోజుల్లో న్యాచురల్ స్టార్ నాని నటించిన ఫస్ట్ ఇండియా ఫిల్మ్ 'దసరా' రిలీజ్ కు సిద్ధమవుతోంది. ఇప్పటికే ప్రమోషన్స్ ను నాని అదరొట్టాడు. రోజుకో ఊరమాస్ పోస్టర్ రిలీజ్ చేస్తూ.. సినిమాపై అంచనాలను పెంచేస్తున్నాడు. తాజాగా ఉగాది సందర్భంగా.. ధరణి, వెన్నెలతో ఓ పోస్టర్ ను వదిలారు. దీన్ని చూస్తే ఎప్పటికీ నాని కెరిర్లో ఇదే ఊరమాస్ మూవీ అని చెప్పొచ్చు. ఇక ఈ సినిమా రిలీజ్ టైం దగ్గర పడడంతో.. ప్రమోషన్స్ మరింత స్పీడ్ చేశారు. పాన్ ఇండియా రేంజ్‌లో దసరా నవరాత్రి యాత్ర షురూ చేశారు. పాన్ ఇండియా మూవీగా వస్తున్న ఈ చిత్రం రిలీజ్‌కి దగ్గర పడుతుండటంతో చిత్ర యూనిట్ ప్రమోషన్స్‌ను షురూ చేసింది.
దసరా సినిమాపై భారీ అంచనాలు
మార్చి 22 నుంచి 29 వరకు దేశం మొత్తం చుట్టేయనున్నాడు నాని. 22న ముంబై, 23 నాగ్‌పూర్, 24 అహ్మదాబాద్, 25 జైపూర్, 26 అనంతపుర్, 27 ఢిల్లీ, 28 నొయిడా.. ఫైనల్‌గా 29న హైదరాబాద్‌లో ప్రమోషన్స్ చేయబోతున్నట్టు.. సాలిడ్ పోస్టర్‌తో ప్రకటించారు. 26న అనంతపూర్‌కు దసరా టీమ్ వెళ్లనుంది. అయితే అక్కడే ఈవెంట్ ప్లాన్ చేస్తున్నారా.. లేదంటే 29న హైదరాబాద్‌లో బిగ్ ఈవెంట్ ఉంటుందా అనే విషయంలో ఇంకా క్లారిటీ రావాల్సి ఉంది. ఈ సినిమాకి దర్శకుడిగా శ్రీకాంత్ ఓదెలా పరిచయం అవుతుండగా.. సంతోష్ నారాయణన్ మ్యూజిక్ అందిస్తున్నాడు.
