ఆకాశంలో నక్షత్రానికి సూపర్ స్టార్ పేరు: మహేష్ అభిమానుల బహుమతి
ఈ వార్తాకథనం ఏంటి
ఈరోజు మహేష్ బాబు తన 48వ పుట్టినరోజును జరుపుకుంటున్నారు. ప్రస్తుతం స్కాట్లాండ్ లో కుటుంబంతో కలిసి విహారంలో ఉన్నారు మహేష్.
మహేష్ బాబుకు ఇండస్ట్రీ వర్గాల నుండి పుట్టినరోజు శుభాకాంక్షలు వస్తూనే ఉన్నాయి. వెంకటేష్, హరీష్ శంకర్, థమన్, విజయ్ దేవరకొండ, ఎన్టీఆర్ ఇలా ప్రతీ ఒక్కరూ శుభాకాంక్షలు తెలియజేసారు.
అయితే మహేష్ బాబుకు సోషల్ మీడియా ద్వారా శుభాకాంక్షలు తెలియజేసిన అభిమానులు, అదిరిపోయే బహుమతిని అందించారు. ఆకాశంలోని ఒకానొక నక్షత్రానికి సూపర్ స్టార్ మహేష్ బాబు అని పేరు పెట్టారు.
ఈ మేరకు స్టార్ రిజిస్ట్రేషన్ నుండి సర్టిఫికెట్ కూడా వచ్చింది. దీంతో తెలుగులో మొదటిసారి మహేష్ బాబు ఈ ఘనతను అందుకున్నారు.
Details
గుంటూరు కారం సినిమాపై అనుమానాలను తొలగించిన పోస్టర్
ఇక సినిమాల విషయానికి వస్తే, మహేష్ బాబు నటిస్తున్న గుంటూరు కారం సినిమా నుండి లుంగీ కట్టుకుని, బీడీ వెలిగించుకుంటున్న మహేష్ బాబు పోస్టర్ ని రిలీజ్ చేసారు.
ఈ పోస్టర్ రిలీజ్ తో గుంటూరు కారం సినిమాపై ఉన్న అనుమానాలన్నీ తొలగిపోయాయి. ఈ సినిమాలో శ్రీలీల, మీనాక్షి చౌదరి హీరోయిన్లుగా నటిస్తున్నారు.
థమన్ సంగీతం అందిస్తున్న ఈ సినిమాను హారికా అండ్ హాసినీ బ్యానర్ లో ఎస్ రాధాక్రిష్ణ నిర్మిస్తున్నారు.
గుంటూరు కారం తర్వాత రాజమౌళి దర్శకత్వంలో సినిమా చేయబోతున్నాడు మహేష్. ఈ సినిమా పాన్ వరల్డ్ రేంజ్ లో ఉండనుందని సమాచారం.
ప్రస్తుతం అభిమానులు అంతా రాజమౌళి, మహేష్ సినిమా అప్డేట్ కోసం చూస్తున్నారు.