దసరా సీజన్: నాలుగు సినిమాల నాలుగు టీజర్లు వచ్చేస్తున్నాయ్
సాధారణంగా ప్రతీ పండగకి తెలుగు సినిమా ఇండస్ట్రీలో రెడీ అవుతున్న కొత్త సినిమాల నుండి అప్డేట్లు వస్తుంటాయి. టైటిల్, పోస్టర్, ఫస్ట్ లుక్, టీజర్, ట్రైలర్ ఇలా రకరకాల కాన్సెప్టులతో అప్డేట్లు అభిమానులను అలరిస్తుంటాయి. పండగ రోజు వచ్చే అప్డేట్ల కోసం అభిమానులు కూడా ఎంతగానో ఎదురు చూస్తుంటారు. ప్రస్తుతం దసరా పండగ వచ్చేస్తోంది. దసరా సందర్భంగా భగవంత్ కేసరి, టైగర్ నాగేశ్వరరావు, లియో వంటి చిత్రాలు థియేటర్లలో రిలీజ్ అవుతున్నాయి. అయితే దసరా నవరాత్రుల సందర్భంగా నాలుగు సినిమాల నుండి టీజర్లు రాబోతున్నాయి. నాలుగు కొత్త సినిమాల నుండి రాబోతున్న ఈ టీజర్ లపై అభిమానులంతా ఎంతో ఆసక్తి కలిగి ఉన్నారు.
దసరా సందర్భంగా విడుదల కాబోతున్న టీజర్లు
నేచురల్ స్టార్ నాని, సీతారామం ఫేమ్ మృణాల్ ఠాకూర్ జంటగా నటిస్తున్న హాయ్ నాన్న సినిమా టీజర్ అక్టోబర్ 15వ తేదీన రిలీజ్ అవుతుందని చిత్రబృందం అధికారికంగా ప్రకటించింది. ఇక వెంకటేష్ కెరీర్ లో 75వ చిత్రంగా రూపొందుతున్న సైంధవ్ సినిమా టీజర్ అక్టోబర్ 16వ తేదీన రిలీజ్ అవుతుంది. ఈ చిత్రాన్ని హిట్ చిత్రాల దర్శకుడు శైలేష్ కొలను తెరకెక్కిస్తున్నారు. ఇంకా నితిన్, శ్రీలీలీ హీరో హీరోయిన్లుగా రూపొందుతున్న ఎక్స్ ట్రా ఆర్డినరీ మ్యాన్ సినిమా నుండి డిసెంబర్ 17వ తేదీన టీజర్ విడుదల అవుతుంది. అలాగే విజయ్ దేవరకొండ, మృణాల్ ఠాకూర్, దివ్యాంశ కౌశిక్ నటిస్తున్న ఫ్యామిలీ స్టార్ అనే సినిమా నుండి డిసెంబర్ 18వ తేదీన టీజర్ రాబోతుంది.
