Gaami: ఓటీటీలో రికార్డులు క్రియేట్ చేస్తున్న విశ్వక్ సేన్ 'గామి' సినిమా
ఈ వార్తాకథనం ఏంటి
ఇటీవల విడుదలై సూపర్ హిట్ టాక్ తెచ్చుకున్న విశ్వక్ సేన్ (Viswaksen) నటించిన గామి (Gaami) సినిమా ఇప్పుడు ఓటీటీ(OTT)లో రికార్డులు క్రియేట్ చేస్తుంది.
కొత్త దర్శకుడు విద్యాధర్ కాగిత రూపొందించిన ఈ చిత్రం చాందిని చౌదరి, విశ్వక్ సేన్ హీరో హీరోయిన్లుగా నటించారు.
ఈ సినిమాలో విశ్వక్ సేన్ అఘోరా (Aghora) గా కనిపించి ప్రేక్షకుల్ని మెస్మరైజ్ చేశాడు.
మంచి కలెక్షన్లను రాబట్టిన ఈ చిత్రం ఇటీవలే జీ5 (ZEE 5)ఓటీటీ ప్లాట్ ఫామ్ లో రిలీజైంది.
ఓటీటీలో రిలీజైన మూడు రోజుల్లోనే రికార్డు స్థాయిలో వీక్షణలు సొంతం చేసుకుంది.
ఓటీటీలో విడుదలైన 72 గంటల్లోపే ఈ స్థాయిలో ఆదరణ లభించడం ఓ రికార్డని జీ సంస్థ మీడియాకు వెల్లడించింది.
Gami-Viswaksen-Ott
హర్షం వ్యక్తం చేసిన సినిమా యూనిట్
గామి సినిమా ఓటీటీలో మంచి రికార్డు క్రియేట్ చేసుకోవడం పట్ల చిత్ర యూనిట్ కూడా హర్షం వ్యక్తం చేసింది.
అఘోరా పాత్రలో కనిపించిన విశ్వక్ సేన్ ఈ సినిమా తనెవరో..తన గతమేమిటో తెలియకుండా ప్రవర్తిస్తుంటాడు.
మానవ స్పర్శ కూడా తట్టుకోలేని అఘోరాను మిగతా అఘోరాలు తమ నుంచి వెలివేస్తారు.
తనెవరు, తన గతమేమిటో తెలుసుకునేందుకు హిమాలయాల్లోకి ప్రయాణం సాగిస్తాడు.
అక్కడ ఎదురైన ఇబ్బందులేమిటి? అక్కడ తనెవరో, తన గతమేమిటో తెలుసుకున్నాడా అన్నదే ఈ సినిమా కథాంశం.
విజువల్ వండర్ గా తెరకెక్కిన ఈ చిత్రంలోని ప్రతి సన్నివేశం ప్రేక్షకుల్ని మెస్మరైజ్ చేసింది.
దీంతో సినిమా కూడా సూపర్ హిట్ టాక్ ను సొంతం చేసుకుంది.