రిలీజ్ కి సిద్దమైపోయిన గాండీవధారి అర్జున: సెన్సార్ కార్యక్రమాలు పూర్తి
ఈ వార్తాకథనం ఏంటి
మెగా హీరో వరుణ్ తేజ్ గాండీవధారి అర్జున సినిమాతో ఆగస్టు 25వ తేదీన ప్రేక్షకుల ముందుకు రాబోతున్నాడు. గని, ఎఫ్ 3 సినిమాల తర్వాత వరుణ్ తేజ్ చేస్తున్న చిత్రమిది.
ప్రవీణ్ సత్తారు దర్శకత్వంలో రూపొందిన ఈ సినిమా నుండి ట్రైలర్ రిలీజ్ అయిన సంగతి తెలిసిందే. గాండీవధారి అర్జున ట్రైలర్ కు ప్రేక్షకుల నుండి మంచి స్పందన వచ్చింది.
ప్రస్తుతం ఈ సినిమాకు సెన్సార్ నుండి సర్టిఫికెట్ U/A వచ్చేసింది. అంటే విడుదలకు సిద్ధమైపోయిందన్నమాట.
సెన్సార్ కార్యక్రమాలు పూర్తి కావడంతో ప్రస్తుతం గాండీవధారి అర్జున చిత్ర బృందం ప్రమోషన్ కార్యక్రమాలపై దృష్టి పెట్టింది.
Details
మనుషులు చేసే తప్పులను చూపించే సినిమా
మనుషులు చేసే తప్పుల గురించి గాండీవధారి అర్జున సినిమాలో చెప్పబోతున్నారు. ఆ తప్పు వల్ల భూమికి ఏ విధంగా నష్టం జరగనుందనేది ఇందులో ప్రధాన అంశంగా ఉండనుంది.
ఏజెంట్ సినిమాతో టాలీవుడ్ కి పరిచయమైన సాక్షి వైద్య, ఈ సినిమాలో హీరోయిన్ గా కనిపించింది. నాజర్ ప్రత్యేక పాత్రలో కనిపించనున్నారు.
శ్రీ వెంకటేశ్వర సినీ చిత్ర బ్యానర్ పై రూపొందిన ఈ సినిమాను బీవీఎస్ఎన్ ప్రసాద్ నిర్మించారు. మిక్కీ జే మేయర్ సంగీతం అందించారు.
ఇక వరుణ్ తేజ్ తర్వాతి సినిమాల విషయాలకు వస్తే, కరుణ కుమార్ దర్శకత్వంలో మట్కా సినిమాలో నటిస్తున్నాడు. అలాగే శక్తి ప్రతాప్ సింగ్ దర్శకత్వంలో ఆపరేషన్ వాలెంటైన్ సినిమా చేస్తున్నాడు.