గాండీవధారి అర్జున ట్విట్టర్ రివ్యూ: సినిమా చూసిన నెటిజన్లు ఏమంటున్నారంటే?
వరుణ్ తేజ్, సాక్షి వైద్య హీరో హీరోయిన్లుగా నటించిన గాండీవధారి అర్జున చిత్రం ఈరోజు ప్రేక్షకుల ముందుకు వచ్చింది. ప్రవీణ్ సత్తారు దర్శకత్వం వహించిన ఈ సినిమా ప్రీమియర్స్ ఆల్రెడీ పడిపోయాయి. ప్రస్తుతం టాక్ బయటకు వచ్చేసింది. మరి సినిమా గురించి నెటిజన్స్ ఏమంటున్నారంటే? గాండీవధారి అర్జున సినిమాలో చెప్పాలనుకున్న పాయింట్ చాలా బావుందని నెటిజన్లు కామెంట్ చేస్తున్నారు. సినిమా అంతా ఫారెన్ లొకేషన్లలో జరిగినట్టుగా కనిపిస్తుందనీ, కొన్ని చోట్ల యాక్షన్ సీన్స్ అద్భుతంగా వచ్చాయని అంటున్నరు. వరుణ్ తేజ్ చాలా కొత్తగా కనిపించాడనీ, యాక్షన్ సీన్స్ లో అతని పర్ ఫార్మెన్స్ బాగుందని అంటున్నారు. సినిమాలో యునిక్ పాయింట్ ఉన్నప్పటికీ నెరేషన్ బాగా నెమ్మదించిందని కామెంట్స్ వస్తున్నాయి.
సినిమాలో మదర్ సెంటిమెంట్
ఫస్టాఫ్ చాలా నెమ్మదిగా సాగుతుందనీ, అక్కడక్కడా కనిపించే యాక్షన్ సీన్స్ ఫర్వాలేదనిపించిందని అంటున్నారు. ఈ సినిమాలో మదర్ సెంటిమెంట్ ఉందనీ, అక్కడ చాలామంది కనెక్ట్ అవుతారని చెబుతున్నారు. గాండీవధారి అర్జున సినిమాలో లవ్ ట్రాక్ సరిగ్గా పండలేదని నెటిజన్లు తమ అభిప్రాయాలను పంచుకుంటున్నారు. సినిమాటోగ్రఫీ అద్భుతంగా ఉందనీ, తెరమీద ఫ్రెష్ ఫీలింగ్ వచ్చిందని చెబుతున్నారు. ఓవరాల్ గా చూసుకుంటే గాండీవధారి అర్జున సినిమా చూసిన ప్రేక్షకులు ఒక్కొక్కరు ఒక్కోలా స్పందిస్తున్నారు. శ్రీ వేంకటేశ్వర సినీ చిత్ర బ్యానర్ లో రూపొందిన ఈ సినిమాకు మిక్కీ జే మేయర్ సంగీతం అందించారు.
