రామ్ గ్లింప్స్: దేశభక్తి నేపథ్యంలో సాగే సినిమా గ్లింప్స్ విడుదల
ఈ వార్తాకథనం ఏంటి
దేశభక్తి నేపథ్యంలో ఇప్పటివరకు చాలా సినిమాలు వచ్చాయి. ప్రస్తుతం ఆ జాబితాలోకి రామ్(Rapid Action Mission) సినిమా కూడా చేరనుంది.
దీపిక ఎంటర్టైన్మెంట్స్, OSM విజన్ బ్యానర్లలో సంయుక్తంగా రూపొందుతున్న ఈ సినిమాలో సూర్య అయ్యల సోమయాజుల హీరోగా నటిస్తున్నాడు.
తాజాగా ఈ సినిమాకు సంబంధించిన అప్డేట్ బయటకు వచ్చింది. గీత గోవిందం దర్శకుడు పరశురాం చేతుల మీదుగా ఈ సినిమా గ్లింప్స్ విడుదల చేశారు.
గ్లింప్స్ వీడియోలో అయ్యల సోమయాజుల చెప్పే డైలాగ్ ఆకర్షణగా నిలుస్తోంది. ఈ వీడియోలో కేవలం ఒక డైలాగ్ తప్ప మరేమీ రివీల్ చేయలేదు.
Details
రామ్ సినిమాతో పరిచయమవుతున్న కొత్త దర్శకుడు
రామ్(Rapid Action Mission) సినిమాలో ధన్య బాలకృష్ణ హీరోయిన్ గా కనిపిస్తోంది. మిహిరామ్ వైనతేయ ఈ సినిమాతో దర్శకుడిగా మారుతున్నాడు.
దేశభక్తి నేపథ్యంలో సాగే ఈ సినిమాకు కథ కథనం, మాటలను మిహిరామ్ వైనతేయ అందించారు.
ఆశ్రిత్ అయ్యంగార్ సంగీతాన్ని అందిస్తున్న ఈ సినిమాలో సాయికుమార్, శుభలేఖ సుధాకర్, మీనా వాసు, అమిత్ కుమార్ తివారి, రోహిత్, భానుచందర్, భాషా నటిస్తున్నారు.
సినిమాటోగ్రఫీ బాధ్యతలను ధారణ్ సుక్రి డీఏసి నిర్వర్తిస్తున్నారు.