Kalki 2898 AD Part 2: ప్రభాస్ ఫ్యాన్స్‌కు గుడ్ న్యూస్.. 'కల్కి 2' షూటింగ్ షెడ్యూల్ ఫిక్స్!
ఈ వార్తాకథనం ఏంటి
నాగ్ అశ్విన్ దర్శకత్వంలో తెరకెక్కిన మైథాలజికల్ సైన్స్ ఫిక్షన్ మూవీ 'కల్కి 2898 AD' భారీ విజయాన్ని సాధించింది.
స్టార్ స్టడెడ్ క్యాస్ట్‌ కలిగిన ఈ చిత్రంలో ప్రభాస్, అమితాబ్ బచ్చన్, దీపికా పదుకొనే, కమల్ హాసన్ వంటి తారలు మెరిశారు.
2024లో మొదటి భాగం మాత్రమే విడుదల కాగా, రెండవ భాగం కోసం ప్రేక్షకులు ఉత్కంఠతో ఎదురు చూస్తున్నారు. సినిమా మొదటి భాగం ప్రభాస్ పాత్రను కర్ణుడి అవతారంగా పరిచయం చేస్తూ ముగిసింది.
యాస్కిన్ అనే విలన్ సంజీవిని పానీయంతో యవ్వనంగా మారడం, భవిష్యత్తులో భైరవ-యాస్కిన్ మధ్య పోరాటం రెండవ భాగానికి ఆసక్తికరంగా మారింది.
సినిమా నిర్మాత అశ్వినీదత్ ప్రకారం, రెండవ భాగం షూటింగ్ ఏప్రిల్ లేదా మేలో ప్రారంభమవుతుందన్నారు.
Details
డిసెంబర్ చివర్లో రిలీజ్ కు ప్లాన్
ఈ ఏడాది డిసెంబర్ నాటికి షూటింగ్ పూర్తయ్యే అవకాశముందని తెలిపారు.
మొదటి భాగంలోనే రెండవ భాగానికి సంబంధించిన 25-30 శాతం సన్నివేశాలు చిత్రీకరించామని, ఇది వేగంగా పూర్తవుతుందని అన్నారు.
అయితే 'కల్కి 2898 AD' రెండవ భాగం 2025 చివర్లో విడుదలయ్యే అవకాశాలు కన్పిస్తున్నాయి.
ప్రభాస్ ప్రస్తుతం హను రాఘవపూడి దర్శకత్వంలో రూపొందుతున్న 'రాజా సాబ్' సినిమా పోస్ట్ ప్రొడక్షన్‌లో ఉన్నారు.
అలాగే 'సలార్ 2' పూర్తి చేసిన తర్వాత 'కల్కి 2' షూటింగ్ ప్రారంభించనున్నట్లు తెలుస్తోంది.