NTR-Neel :ఎన్టీఆర్-నీల్ సినిమా షూటింగ్‌కు గ్రీన్ సిగ్నల్.. ఎప్పుడంటే?
ఈ వార్తాకథనం ఏంటి
దేవర బ్లాక్ బస్టర్ హిట్ తరువాత జూనియర్ ఎన్టీఆర్ ప్రధాన పాత్రలో నటిస్తున్న 'వార్ 2' సినిమా షూటింగ్ ఆల్మోస్ట్ పూర్తయింది.
ఈ ప్రాజెక్ట్ ముగిసిన వెంటనే ప్రశాంత్ నీల్ దర్శకత్వంలో తారక్ కొత్త సినిమా సెట్స్‌పైకి వెళ్లేందుకు సన్నాహాలు జరుగుతున్నాయి.
లేటెస్ట్ అప్డేట్ ప్రకారం, ఈ సినిమా షూటింగ్ సంక్రాంతి కానుకగా జనవరి 16న మంగళూరులో ప్రారంభం కానుందని సమాచారం.
ఇప్పటికే పూజా కార్యక్రమాలు పూర్తి చేసిన ఈ సినిమా కోసం మేకర్స్ అధికారిక ప్రకటన రానప్పటికీ, ఈ వార్త మాత్రం ఎన్టీఆర్ అభిమానుల్లో ఉత్సాహాన్ని పెంచుతోంది.
ఈ సినిమాను 2026 సంక్రాంతి కానుకగా జనవరి 9న విడుదల చేయనున్నట్లు మేకర్స్ గతంలోనే ప్రకటించారు.
Details
వచ్చే ఏడాది సంక్రాంతికి రిలీజ్
ప్రస్తుతం ప్రశాంత్ నీల్ ప్రీ ప్రొడక్షన్ పనుల్లో నిమగ్నమయ్యారు. మరోవైపు, 'వార్ 2' షూటింగ్ పూర్తి చేసిన ఎన్టీఆర్ ఫిబ్రవరిలో ప్రశాంత్ నీల్ సినిమా సెట్స్‌లో అడుగుపెట్టనున్నారు.
సంక్రాంతికి సినిమా విడుదల చేయాలన్నది మేకర్స్ లక్ష్యం కావడంతో, జెట్ స్పీడ్లో షూటింగ్ పూర్తి చేయాలని చూస్తున్నారు. ఈ సినిమా మీద అభిమానుల్లో భారీ అంచనాలున్నాయి.
ప్రశాంత్ నీల్ డ్రీమ్ ప్రాజెక్ట్ కావడంతో, ఈ చిత్రం బాక్సాఫీస్‌ను బద్దలు కొడుతుందని అభిమానులు ఎదురుచూస్తున్నారు. ఈ ప్రాజెక్ట్‌కు 'డ్రాగన్' అనే టైటిల్ ప్రచారంలో ఉంది.
రవి బస్రుర్ సంగీతం అందిస్తున్న ఈ చిత్రాన్ని మైత్రీ మూవీ మేకర్స్, ఎన్టీఆర్ ఆర్ట్స్ సంస్థలు కలిసి భారీ బడ్జెట్‌తో నిర్మిస్తున్నాయి.