వెకేషన్ నుండి ఇండియాకు తిరిగొచ్చిన మహేష్ బాబు: గుంటూరు కారం సెట్లో ఎప్పుడు జాయిన్ అవుతున్నారంటే?
ఈ వార్తాకథనం ఏంటి
సూపర్ స్టార్ మహేష్ బాబు గత నెల వెకేషన్ కోసం విదేశాలకు వెళ్లారు. స్కాట్లాండ్ లో తన 48వ పుట్టినరోజు వేడుకలు జరుపుకున్న మహేష్ బాబు, ప్రస్తుతం ఇండియాకు కుటుంబంతో సహా వచ్చేసారు.
దీంతో గుంటూరు కారం సినిమా తర్వాత షెడ్యూల్ పై ఒక క్లారిటీ వచ్చేసింది.
గత కొన్ని రోజులుగా గుంటూరు కారం సినిమా చిత్రీకరణ జరగట్లేదు. ప్రస్తుతం మరో వారంలో షూటింగ్ షెడ్యూల్ మొదలవుతుందని సమాచారం.
ఈ షెడ్యూల్ లో మహేష్ బాబు పాల్గొంటున్నారని అంటున్నారు. ఇకపై చాలా వేగంగా చిత్రీకరణ జరుపుకోనుందని చెబుతున్నారు.
Details
మహేష్ బాబు పుట్టినరోజున రిలీజైన రెండు పోస్టర్లు
గుంటూరు కారం సినిమా నుండి మహేష్ బాబు పుట్టినరోజున రెండు పోస్టర్లు విడుదలయ్యాయి. ఒక పోస్టర్లో లుంగీకట్టుకుని, బీడీ తాగుతూ మహేష్ బాబు కనిపించారు.
మరొక పోస్టర్లో చొక్కా బటన్లు విప్పేసి విలన్ల ముందు నిలబడ్డారు. ఈ రెండు పోస్టర్లు మహేష్ బాబు అభిమానులకు విపరీతంగా నచ్చాయి.
మహేష్ బాబును ఇంతకు ముందెన్నడూ చూడని మాస్ అవతారంలో గుంటూరు కారం సినిమాలో త్రివిక్రమ్ చూపించబోతున్నాడని ఈ రెండు పోస్టర్ల ద్వారా అర్థమయ్యింది.
శ్రీలీల, మీనాక్షి చౌదరి హీరోయిన్ గా కనిపిస్తున్న ఈ సినిమాకు థమన్ సంగీతం అందిస్తున్నారు. 2024 జనవరి 12వ తేదీన ప్రపంచవ్యాప్తంగా ఈ సినిమా విడుదలవుతుంది.