మెగాస్టార్ ను డైరెక్ట్ చేసే పనిలో హరీష్ శంకర్: మళ్ళీ రీమేకేనా?
ఈ వార్తాకథనం ఏంటి
దర్శకుడు హరీష్ శంకర్, ఉస్తాద్ భగత్ సింగ్ చిత్రీకరణలో బిజీగా ఉన్నాడు. గబ్బర్ సింగ్ సినిమా తర్వాత పవన్ కళ్యాణ్ తో హరీష్ చేస్తున్న రెండవ సినిమా ఇది.
ఉస్తాద్ భగత్ సింగ్ తర్వాత మెగాస్టార్ చిరంజీవిని హరీష్ శంకర్ డైరెక్ట్ చేయబోతున్నాడని వినిపిస్తోంది. చిరంజీవి చేతిలో ఉన్న భోళాశంకర్ సినిమా తర్వాత హరీష్ శంకర్ తో సినిమా ఉంటుందని తెలుస్తోంది.
మరో ముఖ్య విషయం ఏంటంటే, ఈ సినిమా కూడా రీమేక్ అయ్యే అవకాశం ఉందని అంటున్నారు.
రీమేక్స్ తెరకెక్కించడంలో హరీష్ శంకర్ స్టైలే వేరు. ఒరిజినల్ సినిమాలోని ఆత్మను మాత్రమే తీసుకుని సినిమాను తెరకెక్కించడంలో హరీష్ శంకర్ కు మంచి అనుభవం ఉంది.
Details
రీమేక్ సినిమాలతో విజయం అందుకున్న హరీష్ శంకర్
గబ్బర్ సింగ్, గద్దల కొండ గణేష్ చిత్రాలు వాటి ఒరిజినల్స్ కి చాలా దూరంలో ఉంటాయి. ఆ రెండు చిత్రాలు కూడా ఎంత పెద్ద విజయం అందుకున్నాయో తెలిసిందే.
ఇటీవల మెగాస్టార్ చిరంజీవి, మరో రీమేక్ లో నటించబోతున్నాడని వార్తలు వచ్చాయి. ఆ రీమేక్ ని తెరకెక్కించే బాధ్యతలు హరీష్ శంకర్ కు ఇచ్చే అవకాశం ఉందని చెప్పుకుంటున్నారు.
ప్రస్తుతానికి ఈ విషయమై ఎలాంటి క్లారిటీ లేదు. మెగాస్టార్ తో హరీష్ శంకర్ సినిమా ఉంటుందా లేదా అన్నది తెలియాలంటే మరికొన్ని రోజులు ఆగాల్సిందే.