నితిన్ ఎక్స్ ట్రా సినిమాలో రాజశేఖర్: ఇంతకీ ఎలాంటి పాత్రలో కనిపించబోతున్నారో తెలుసా?
ఈ వార్తాకథనం ఏంటి
తెలుగు ప్రేక్షకులు యాంగ్రీ మ్యాన్ గా పిలుచుకునే హీరో రాజశేఖర్ ప్రస్తుతం క్యారెక్టర్ ఆర్టిస్టుగా మారుతున్నారు.
గత కొన్ని రోజుల నుండి హీరో రాజశేఖర్ కు క్యారెక్టర్ ఆర్టిస్టుగా చాలా అవకాశాలు వచ్చాయి. అయినా కూడా ఆ ఆఫర్లను తిరస్కరించారు.
ప్రస్తుతం నితిన్ హీరోగా నటిస్తున్న ఎక్స్ ట్రా సినిమా కోసం మొదటిసారిగా క్యారెక్టర్ ఆర్టిస్టుగా హీరో రాజశేఖర్ మారుతున్నారు.
అవును, వక్కంతం వంశీ దర్శకత్వంలో నితిన్ హీరోగా తెరకెక్కుతున్న ఎక్స్ ట్రా సినిమాలో రాజశేఖర్ నటిస్తున్నారు. ఈ విషయమై చిత్రబృందం అధికారికంగా ప్రకటన ఇచ్చింది.
ఈ మేరకు ఎక్స్ ట్రా సెట్ లోకి రాజశేఖర్ ఎంట్రీ ఇస్తున్న వీడియోను రిలీజ్ చేసారు.
Details
పోలీస్ పాత్రలో రాజశేఖర్
ఎక్స్ ట్రా సినిమాలో రాజశేఖర్ చేయబోతున్న క్యారెక్టర్ ఏంటనేది అందరికీ ఆసక్తిగా మారింది. తాజాగా ఈ విషయమై ఒకానొక న్యూస్ ఇంటర్నెట్లో హల్చల్ చేస్తోంది.
హీరో రాజశేఖర్ పోలీస్ పాత్రలకు పెట్టింది పేరు. ఆయన పోలీస్ పాత్రల్లో నటించిన అంకుశం, ఆవేశం వంటి చిత్రాలు సూపర్ డూపర్ హిట్ అందుకున్నాయి.
ఇప్పుడు ఎక్స్ ట్రా సినిమాలో కూడా పవర్ ఫుల్ పోలీస్ అధికారి పాత్రలో రాజశేఖర్ కనిపించబోతున్నారని సమాచారం. పోలీస్ అధికారి ఐజీ పాత్రలో రాజశేఖర్ నటిస్తున్నారని అంటున్నారు.
శ్రేష్ఠ్ మూవీస్ బ్యానర్ లో తెరకెక్కుతున్న ఎక్స్ ట్రా సినిమాలో శ్రీలీల హీరోయిన్ గా నటిస్తున్నారు. హారిస్ జయరాజ్ సంగీతం అందిస్తున్నారు.