Sagar: పాన్ ఇండియా లెవల్లో తెరపైకి సింగరేణి కార్మికుల జీవితం
ఈ వార్తాకథనం ఏంటి
సాగర్ అంటే చాలా మందికి తెలియకపోవచ్చు కానీ, కాని అతను నటించిన మొగలిరేకు సీరియల్‌లోని ఆర్కే పాత్ర ప్రేక్షకుల మనసులో నిలిచిపోయింది. ఆ పాత్ర ద్వారా తన నటనకు ప్రత్యేక గుర్తింపు తెచ్చుకున్నాడు సాగర్. చాలా గ్యాప్ తరువాత ఈ నటుడు ఇటీవలే 'ది 100' అనే సినిమాతో ప్రేక్షకుల ముందుకు వచ్చాడు. క్రైమ్ థ్రిల్లర్ నేపథ్యంతో రూపొందిన ఈ చిత్రం ప్రేక్షకులను ఆకట్టుకుని మంచి విజయం సాధించింది. ఈ విజయాన్ని కొనసాగిస్తూ, సాగర్ తన తదుపరి ప్రాజెక్ట్‌ను ప్రకటించారు. దసరా పండుగ సందర్భంలో ఈ సినిమా అధికారిక ప్రకటన చేశారు.
వివరాలు
ప్రేక్షకులకు పూర్తి కొత్త అనుభూతిని అందించగల సినిమా
ఈ కొత్త చిత్రానికి సాగర్ ప్రత్యేకమైన కాన్సెప్ట్‌ను ఎంచుకున్నాడు. తెలంగాణలోని సింగరేణి బొగ్గు గనుల కార్మికుల జీవితం, వారి కష్టాలు, పోరాటాలు,ఆశలు, కుటుంబ అనుబంధాలను తెరపై ప్రతిబింబించాలనే ఉద్దేశ్యంతో ఈ చిత్రాన్ని రూపొందించనున్నారు. ఈ ప్రాజెక్ట్ పాన్ ఇండియా స్థాయిలో రూపొందుతున్నది. సినిమా దర్శకత్వం జార్జ్ రెడ్డి వంటి విజయవంతమైన చిత్రాన్ని రూపొందించిన దర్శకుడు జీవన్ రెడ్డి చేపడతారు. చిత్ర నిర్మాతలు ప్రకటనలో చెప్పినట్టుగా,ఈ సినిమా ప్రేక్షకులకు పూర్తి కొత్త అనుభూతిని అందించగలుగుతుంది. కథలోని భావన కేవలం వ్యక్తిగతం కాకుండా సామాజిక అంశాలను స్పృశించే విధంగా రూపొందించబడింది. సింగరేణి కార్మికుల జీవితంలోని వాస్తవ దృశ్యాలను సరిగ్గా ప్రతిబింబించడం, వారి పోరాటాల వెనుక ఉన్న గాఢ భావాలను తెరపై చూపించడం చిత్రకళలో ప్రధాన లక్ష్యం.
వివరాలు
నవంబర్ నుంచి సినిమా రెగ్యులర్ షూటింగ్
ఈ విధంగా, ప్రేక్షకులు కథలో కేవలం వినోదం మాత్రమే కాకుండా, ఒక రకమైన సాంఘిక చైతన్యం కూడా పొందగలుగుతారు. అలాగే ఈ సినిమాలో మరో కీలక పాత్ర కోసం ప్రముఖ స్టార్ హీరోని తీసుకోబోతోన్నట్టు తెలిపారు. ఇది పాన్ ఇండియా సినిమా కాబట్టి తెలుగు, కన్నడ, తమిళ, హిందీ భాషల్లోని ప్రముఖ నటుల్ని ఈ చిత్రం కోసం తీసుకుంటున్నట్టు తెలిపారు. ఇక నవంబర్ నుంచి ఈ సినిమా రెగ్యులర్ షూటింగ్ మొదలుకానున్నట్టుగా టీం ప్రకటించింది.