హాలీవుడ్ దర్శకుడు ఆస్కార్ అవార్డు గ్రహీత విలియం ఫ్రిడికిన్ కన్నుమూత
ఈ వార్తాకథనం ఏంటి
హాలీవుడ్ దర్శకుడు విలియం ఫ్రిడికిన్ 87ఏళ్ళ వయసులో కన్నుమూసారు. గతకొన్ని రోజులుగా అనారోగ్య సమస్యలతో బాధపడుతున్న విలియం, 87ఏళ్ళ వయసులో సోమవారం రాత్రి స్వర్గస్తులయ్యారు.
రీసెంట్ గా ఆయన దర్శకత్వం వహించిన 'ద కౌంట్ ముటినీ కోర్ట్ మార్షల్' సినిమా విడుదలకు సిద్ధంగా ఉంది.
విలియం ఫ్రిడికిన్ పేరు చెప్పగానే అందరికీ గుర్తొచ్చేది హారర్ చిత్రాలే. హాలీవుడ్ లో హారర్ సినిమాల సంస్కృతి మొదలుపెట్టింది విలియం అని చెప్పుకుంటారు.
1973లో ఆయన దర్శకత్వంలో వచ్చిన హారర్ చిత్రం 'ది ఎగ్జార్సిస్ట్' ప్రపంచ వ్యాప్తంగా అందరినీ ఆకట్టుకుంది. హారర్ చిత్రాలే కాదు థ్రిల్లర్ జోనర్ లోనూ ఎక్కువగా సినిమాలు చేసారు.
Details
ది ఫ్రెంఛ్ కనెక్షన్ సినిమాకు ఆస్కార్
విలియం ఫ్రిడికిన్ దర్శకత్వంలో వచ్చిన సినిమాల్లో, ది ఫ్రెంఛ్ కనెక్షన్, ది ఎగ్జార్సిస్ట్, క్రూజింగ్, బగ్, కిల్లర్ జూ చిత్రాలు చెప్పుకోదగ్గవి.
ది ఫ్రెంఛ్ కనెక్షన్ సినిమాకు గానూ ఉత్తమ దర్శకుడిగా ఆస్కార్ అవార్డు అందుకున్నాడు. మొత్తం ఐదు విభాగాల్లో ఈ సినిమాకు ఆస్కార్ అవార్డులు వచ్చాయి.
అలాగే ది ఎగ్జార్సిస్ట్ సినిమాకు గానూ ఆస్కార్ నామినేషన్లలో నిలిచాడు. కేవలం హారర్, థ్రిల్లర్ జోనర్ లోనే కాకుండా, యాక్షన్ కామెడీ జోనర్లలోనూ సినిమాలు తెరకెక్కించాడు.
సినిమాలు మాత్రమే కాకుండా డాక్యుమెంటరీలను తెరకెక్కించడంలో విలియం ఫ్రిడికిన్ దిట్ట. ఆయన దర్శకత్వంలో చాలా డాక్యుమెంటరీలు వచ్చాయి.