మొదటి ఇండియన్ యాక్టర్‌గా ఐకాన్ స్టార్.. అల్లు అర్జున్ ఫాలోయింగ్ తగ్గేదేలే
స్టైల్, మేకోవర్, నటనతో టాలీవుడ్ హీరో అల్లు అర్జున్ ప్రపంచ వ్యాప్తంగా అభిమానులను సంపాదించుకున్నాడు. ఇక సోషల్ మీడియాలో బన్నీ రేంజ్ గురించి ప్రత్యేకంగా చెప్పనక్కర్లేదు. ఇప్పటికే ఇన్ స్టాగ్రామ్ లో అత్యధిక ఫాలోయర్స్ ఉన్న తొలి టాలీవుడ్ హీరోగా అల్లు అర్జున్ నిలిచాడు. ఇన్ స్టాగ్రామ్ లో 19.9 మిలియన్ల మంది అల్లు అర్జున్ ని ఫాలో అవుతున్నారు. మొత్తంమీద సోషల్ మీడియాలో బన్నీ మేనియా నడుస్తొందని చెప్పొచ్చు. ఇప్పుడు మరో రికార్డును బన్నీ సొంతం చేసుకున్నాడు. ఇటీవల థ్రెడ్స్ అనే మరో యాప్ వచ్చిన విషయం తెలిసిందే. ఇక థ్రెడ్స్ లోకి ఇండియన్ స్టార్ అంతా ఎంట్రీ ఇస్తున్నారు. ఈ నేపథ్యంలో ఇటీవల అల్లు అర్జున్ థ్రెడ్స్ లోకి అడుగుపెట్టాడు.
సోషల్ మీడియా కింగ్ అల్లు అర్జున్
థ్రెడ్స్ లోకి ఎంట్రీ ఇచ్చిన తక్కువ కాలంలోనే బన్నీ 1 మిలియన్ ఫాలోవర్స్ ని అందుకున్నాడు. దీంతో ఈ మార్కుని అందుకున్న తొలి ఇండియన్ యాక్టర్ గా అల్లు అర్జున్ రికార్డు సృష్టించాడు. ఈ వార్త విన్న బన్నీ అభిమానులు ఆనందం వ్యక్తం చేస్తున్నారు. 'సోషల్ మీడియా కింగ్' అంటూ కామెంట్లు పెడుతున్నారు. ప్రస్తుతం పుష్ప 2లో అల్లు అర్జున్ నటిస్తున్నారు. పుష్ప ఫస్ట్ పార్ట్ ప్రపంచ వ్యాప్తంగా సూపర్ హిట్ అవ్వడంతో సెకండ్ పార్ట్ పై భారీ అంచనాలు నెలకొన్నాయి. రష్మిక మందన్న, ఫహద్ ఫాసిల్, సునీల్ ఈ సినిమాలో ముఖ్య పాత్రలను పోషిస్తున్నారు. ఈ ఏడాది చివర్లో ఈ సినిమా రిలీజ్ అయ్యే అవకాశం ఉన్నట్లు తెలుస్తోంది.
