Janvi Kapoor : ఐఫాలో జాన్వీ కపూర్ ధరించిన నెక్లెస్ ధర తెలిస్తే నోరెళ్లబెట్టాల్సిందే!
అబుదాబిలో జరిగిన ఇంటర్నేషనల్ ఇండియన్ ఫిల్మ్ అకాడమీ (ఐఐఎఫ్‌ఏ) అవార్డుల ప్రదానోత్సవం ఇటీవల ముగిసింది. సెప్టెంబర్ 27న ప్రారంభమైన ఈ వేడుక ఆదివారంతో ముగిసింది. ఈ కార్యక్రమానికి సినీ పరిశ్రమకు చెందిన ప్రముఖులంతా వచ్చారు. తెలుగు, తమిళం, మలయాళం, కన్నడ, హిందీ వంటి వివిధ భాషల్లో ఉన్న ప్రముఖులు ఈ కార్యక్రమానికి హాజరయ్యారు. ఈ వేడుకలో జాన్వీ కపూర్ ప్రత్యేక ఆకర్షణగా నిలిచారు. ఆమె గోల్డెన్ గౌన్ ధరించి, బల్గారీ బ్రాండ్‌కు చెందిన లగ్జరీ ఆభరణాలను వాడుకున్నారు. రెడ్ కార్పెట్ ఈవెంట్‌లో ఆమె ధరించిన నెక్లెస్ అందరి దృష్టిని ఆకర్షించింది. ఇప్పుడు ఆ నెక్లెస్ ధర గురించి తెలుసుకుందాం.
నెక్లెస్ ధర రూ. 8 కోట్లు
అవార్డుల వేడుకలో జాన్వీ, గోల్డ్ కలర్ డ్రెస్‌లో అద్భుతంగా కనిపించారు. ఆమె సింపుల్ మేకప్‌తో ప్రత్యేక ఆకర్షణగా నిలిచారు. అయితే, ఆమె ధరించిన నెక్లెస్ మినహాయిస్తే, అందరి దృష్టి ఆ నెక్లెస్ పైనే పడింది. ఈ నెక్లెస్ ధర రూ. 8 కోట్లు అని తెలుస్తోంది. ఇది డైమండ్ నెక్లెస్ కావడంతో, ఫ్యాన్స్ ఈ ఖరీదుకు షాక్ అవుతున్నారు. జాన్వీ కపూర్‌కి సంబంధించిన ఈ నెక్లెస్ ప్రస్తుతం సోషల్ మీడియాలో హాట్ టాపిక్‌గా మారింది. జాన్వీ కపూర్ బాలీవుడ్ పరిశ్రమలో టాప్ హీరోయిన్‌గా దూసుకుపోతున్నారు. ఆమె ఇటీవల దేవర సినిమాతో టాలీవుడ్ ఎంట్రీ ఇచ్చారు. అలాగే రామ్ చరణ్, బుచ్చిబాబు కాంబోలో ఆమె తదుపరి సినిమా కూడా త్వరలోనే సెట్స్‌పైకి వెళ్లనుంది.
