ఒకే యాక్టర్ కు కూతురుగా, లవర్ గా, కోడలిగా నటించిన త్రిష, ఆ యాక్టర్ ఎవరో, ఆ సినిమాలేంటో తెలుసుకోండి
ఈ వార్తాకథనం ఏంటి
ఈరోజు హీరోయిన్ త్రిష బర్త్ డే. ఈరోజుతో 40వ వడిలోకి అడుగుపెట్టింది త్రిష. ఈ సందర్భంగా ఆమె సినిమా కెరీర్ లోని కొన్ని ఆసక్తికరమైన అంశాలు మాట్లాడుకుందాం.
2003లో రిలీజైన నీ మనసు నాకు తెలుసు సినిమాతో తెలుగులో ఎంట్రీ ఇచ్చింది త్రిష. ఆ తర్వాత 2004లో విడుదలైన వర్షం సినిమాతో విజయం అందుకుంది.
అయితే త్రిష, తన కెరీర్ లో ఒకే యాక్టర్ సరసన కూతురుగా, కోడలిగా, లవర్ గా కనిపించింది. ఆ యాక్టర్ ఎవరో కాదు, విలక్షణ నటుడు ప్రకాష్ రాజ్.
తండ్రి పాత్రలో నటించిన సినిమాలు
వర్షం, ఆకాశమంత సినిమాలో త్రిషకు తండ్రిగా కనిపిస్తాడు ప్రకాష్ రాజ్. ఈ రెండు సినిమాల్లో ప్రకాష్ పాత్రలు భిన్నంగా ఉంటాయి.
Details
తాజాగా పొన్నియన్ సెల్వన్ లో కనిపించిన త్రిష, ప్రకాష్ రాజ్
వర్షం సినిమాలో బాధ్యతలేని తండ్రిలా ప్రవర్తిస్తే, ఆకాశమంత సినిమాలో బాధ్యతాయుతంగా, కూతురు పట్ల అమితమైన ప్రేమ ఉన్న పాత్రలో కనిపిస్తాడు. ఇక తాజాగా వచ్చిన పొన్నియన్ సెల్వన్ సినిమాలోనూ త్రిషకు తండ్రి పాత్రలో కనిపించాడు ప్రకాష్ రాజ్.
మామ పాత్రలో నటించిన సినిమాలు:
నువ్వొస్తానంటే నేనొద్దంటానా సినిమాలో హీరో సిద్ధార్థ్ పాత్రకు తండ్రిగా కనిపించాడు ప్రకాష్ రాజ్. అంటే హీరోయిన్ త్రిషకు మామ పాత్ర అన్నమాట.
లవర్ గా:
ఒక్కడు తమిళ రీమేక్ లో హీరోయిన్ గా త్రిష నటించింది. ఇందులో విలన్ గా, త్రిషను పెళ్ళి చేసుకోవాలనుకునే పాత్రలో ప్రకాష్ రాజ్ కనిపించాడు. ఇందులో హీరోగా దళపతి విజయ్ చేసాడు.