ఐపీఎస్ ఆఫీసర్ తో గొడవ పెట్టుకున్న డింపుల్ హయాతి; కేసు నమోదు
ఈ వార్తాకథనం ఏంటి
టాలీవుడ్ భామ డింపుల్ హయాతి, తనకు కాబోయే భర్త డేవిడ్ పై హైదరాబాద్ లోని జూబ్లీహిల్స్ పోలీస్ స్టేషన్ లో కేసు నమోదైంది.
ఐపీఎస్ ఆఫీసర్ కారును తన్నడం, డ్రైవర్ పట్ల అనుచిత ప్రవర్తన కారణంగా కేసు నమోదైంది.
అసలేం జరిగిందంటే:
ఐపీఎస్ ఆఫీసర్ రాహుల్ హెగ్డే, డింపుల్ హయాతి ఒకే అపార్ట్ మెంట్ లో ఉంటున్నారు. ఆ అపార్ట్ మెంట్ లోని పార్కింగ్ ప్లేస్ లో రాహుల్ హెగ్డే కారును డేవిడ్ ఢీకొట్టాడు.
ఐపీఎస్ ఆఫీసర్ కారులో ఉన్న డ్రైవర్ చేతన్ కుమార్, ఇదేంటని ప్రశ్నించడంతో డింపుల్ హయాతి కారు దిగి వాదనకు దిగిందట.
ఆ గొడవలో ఐపీఎస్ కారును కాలితో తన్నిందని తన ఫిర్యాదులో ఐపీఎస్ అధికారి తెలియజేసాడు.
Details
హీరోయిన్ గా ఇప్పుడిప్పుడే అవకాశాలు తెచ్చుకుంటున్న డింపుల్
ఐపీఎస్ అధికారి ఫిర్యాదు మేరకు డింపుల్ హయాతి, తనక్కాబోయే భర్త డేవిడ్ మీద.. ఐపీసీ సెక్షన్లు 353, 341, 271ప్రకారం కేసు నమోదయ్యింది.
డింపుల్ హయాతి ఇప్పుడిప్పుడే హీరోయిన్ గా అవకాశాలు తెచ్చుకుంటోంది. రవితేజ సరసన ఖిలాడీ, గోపీచంద్ సరన రామబాణం చిత్రాల్లో మెరిసింది డింపుల్. ఈ రెండు చిత్రాలు కూడా బాక్సాఫీసు దగ్గర డిజాస్టర్ టాక్ తెచ్చుకున్నాయి.
హీరోయిన్ గా సినిమాలు చేయకముందు గద్దలకొండ గణేష్ సినిమాలో సూపర్ హిట్టు, బొమ్మా హిట్టూ అనే ప్రత్యేకమైన పాటలో మెరిసింది డింపుల్ హయాతి.