Devara: సంక్రాంతికి దేవర నుండి బిగ్ అప్డేట్.. దేవర ఓటిటి పార్టనర్ ఎవరంటే..?
కొరటాల దర్శకత్వంలో జూనియర్ ఎన్టీఆర్,జాహ్నవి కపూర్ నటిస్తున్న దేవర ఫుల్ మాస్ యాక్షన్ గ్లింప్స్ ని విడుదల చేసిన విషయం తెలిసిందే. ఈ గ్లింప్స్ తో ఈ సినిమాపై భారీ అంచనాలు పెరిగాయి. ఇప్పుడు సంక్రాంతి సందర్భంగా దేవర నుంచి మరో అప్డేట్ వచ్చింది. దేవర మూవీ OTT స్ట్రీమింగ్ పార్టనర్ ఎవరో తెలిపింది. దేవర సినిమా నెట్ఫ్లిక్స్ ఓటీటీలో రానుంది. ఈ విషయాన్ని నెట్ ఫ్లిక్స్ స్వయంగా ప్రకటించింది. ఈ సినిమాని ఏప్రిల్ 5, 2024 న విడుదల చేయడానికి సన్నాహాలు చేస్తున్నారు.
తండ్రి కొడుకులుగా ఎన్టీఆర్
దేవర డిజిటల్ స్ట్రీమింగ్ హక్కులను నెట్ఫ్లిక్స్ భారీ ధరకు కొనుగోలు చేసిందని ఎన్టీఆర్ సోదరుడు, నిర్మాత నందమూరి కళ్యాణ్ రామ్ ఒక ఇంటర్వ్యూలో తెలిపారు. తెలుగు, తమిళం, కన్నడ, మలయాళం,హిందీ వంటి అన్ని భాషలలో ఈ చిత్రం డిజిటల్ హక్కులను నెట్ఫ్లిక్స్ కొనుగోలు చేసింది. జాన్వీ కపూర్ ఎన్టీఆర్ ప్రేమికురాలిగా నటిస్తుండగా, సైఫ్ అలీఖాన్ ప్రతినాయకుడిగా నటిస్తున్నారు. ఎన్టీఆర్ తండ్రి కొడుకులుగా ద్విపాత్రాభినయం చేయనున్నారు. అనిరుధ్ సంగీతాన్ని అందించారు. ఎన్టీఆర్ ఆర్ట్స్, యువసుధ ఆర్ట్స్ సంయుక్తంగా ఈ చిత్రాన్ని నిర్మిస్తున్నాయి.