The Bear Dominate Award Ceremony: 'ది బేర్'లో అద్భుత నటనకు జెరెమీ అలెన్ వైట్‌కు రెండోసారి ఎమీ అవార్డు
ఈ వార్తాకథనం ఏంటి
ప్రముఖ నటుడు జెరెమీ అలెన్ వైట్, మరోసారి 'ది బేర్' సిరీస్‌లో తన అద్భుత నటనకు గుర్తింపుగా, కామెడీ యాక్టర్ విభాగంలో వరుసగా రెండో ఎమీ అవార్డును గెలుచుకున్నారు. FX నెట్‌వర్క్‌లో ప్రసారమైన ఈ సిరీస్‌లో కార్మెన్ 'కార్మీ' బెర్జాట్టో పాత్రలో ఆయన చేసిన నటనకు ఈ పురస్కారం లభించింది. డామన్ వాయన్స్, జెస్సీ టైలర్ ఫెర్గూసన్, జార్జ్ లోపెజ్‌ల చేతుల మీదుగా ఆయన ఈ అవార్డును అందుకున్నారు. అవార్డును స్వీకరించిన వెంటనే ఎమోషనల్‌గా మారిన వైట్ తన అంగీకార ప్రసంగంలో అకాడమీ, తోటి నామినీలకు కృతజ్ఞతలు తెలిపారు.
Details
ధన్యవాదాలు తెలిపిన అలెన్ వైట్
తనను ఈ అవార్డుకు ఎంపిక చేసినందుకు చాలా ధన్యవాదాలని చెప్పారు. ఇంతటి గుర్తింపు తన జీవితాన్ని పూర్తిగా మార్చివేసిందని చెప్పిన వైట్ 'ది బేర్ నా జీవితాన్ని మారుస్తూ, ఒంటరితనాన్ని అధిగమించగలమనే నమ్మకాన్ని కలిగించిందని పేర్కొన్నాడు. 'ది బేర్' ఈ సిరీస్ 2022లో ప్రారంభమై, అతన్ని A-జాబితా నటుడిగా మార్చింది. 'ది బేర్' కి ముందు, ఆయన 'షేమ్‌లెస్' సిరీస్‌లో ఫిలిప్ "లిప్" గల్లాఘర్ పాత్రలో ప్రసిద్ధి పొందారు.