ఎన్టీఆర్ బర్త్ డే: ఎన్టీఆర్ సినిమాల్లోని ఎప్పటికీ గుర్తుండిపోయే డైలాగ్స్
ఈ వార్తాకథనం ఏంటి
డైలాగ్ చెప్పాలంటే జూనియర్ ఎన్టీఆర్ తర్వాతే ఎవరైనా అని ప్రతీ అభిమాని అనుకుంటాడు. పవర్ ఫుల్ డైలాగ్స్ చెప్పడంలో ఎన్టీఆర్ స్టైలే వేరు.
ఎన్టీఆర్ పుట్టినరోజు సందర్భంగా ఎన్టీఆర్ సినిమాల్లోని పవర్ ఫుల్ డైలాగుల గురించి మాట్లాడుకుందాం.
ఆది:
ఆదికేశవ రెడ్డిగా తనను తాను విలన్ కు పరిచయం చేసుకునే సమయంలో ఎన్టీఆర్ పలికే, అరవకు, అమ్మతోడు అడ్డంగా నరికేస్తా అనే డైలాగ్ ఇప్పటికీ పాపులర్.
టెంపర్:
పూరీ నగన్నాథ్ సినిమాల్లో డైలాగులు చాకులా గుచ్చుకుంటాయి. టెంపర్ సినిమాలో, ప్రకాష్ రాజ్, ఎన్టీఆర్ మధ్య జరిగే మాటల యుద్ధంలో, ఇద్దరు కొట్టుకుంటే యుద్ధం, అదే ఒకడు మీదడిపోతే.. దండయాత్ర, ఇది దయాగాడి దండయాత్ర అని ఎన్టీఆర్ చెప్పే డైలాగ్ ప్రేక్షకులను ఊపేసింది.
Details
ఆర్ఆర్ఆర్ లోని పవర్ ఫుల్ డైలాగ్
బృందావనం:
సిటీ నుంచొచ్చాడు సాఫ్ట్ గా లవర్ బాయ్ గా కనిపిస్తున్నాడు అనుకుంటున్నావేమో, క్యారెక్టర్ కొత్తగా ఉందని ట్రై చేసా. లోపల ఒరిజినల్ అలాగే ఉంది, దాన్ని బయటకు తెచ్చావనుకో.. రచ్చ రచ్చే అని ఎన్టీఆర్ పలికే మాటలకు థియేటర్స్ షేక్ ఐపోయాయి.
జై లవకుశ:
ఆ రావణాసురుడిని దాటాలంటే సముద్రం దాటాలి, ఈ రావణాసురుడిని దాటాలంటే సముద్రమంత ధైర్యం ఉండాలి అనే పవర్ ఫుల్ డైలాగ్ ఇందులో ఉంటుంది.
ఆర్ఆర్ఆర్:
మల్లి ప్రాణాలు కాపాడాలన్న ప్రయత్నంలో, తెల్లదొరల కోటను బద్దలు కొట్టేముందు, తొంగి తొంగి కాదే, తొక్కుకుంటూ పోవాలే, ఎదురొచ్చినోడిని ఏసుకుంటూ పోవాలే అనే డైలాగ్ అదిరిపోతుంది.
Details
డైలాగ్ వార్స్
రాఖీ:
రైల్వే డిపార్ట్ మెంటులో పనిచేస్తున్న ఉద్యోగిని ఆఫ్ట్రాల్ అన్నందుకు, రైల్వే డిపార్ట్ మెంటు గురించి, రైలు సర్వీసుల గురించి, అది చేస్తున్న సేవల గురించి గుక్క తిప్పుకోకుండా 2నిమిషాలు డైలాగ్ ఉంటుంది. ఆ డైలాగ్ ఎన్టీఆర్ నోటి నుండి విన్నప్పుడు ప్రతీ ఒక్కరికీ రోమాలు నిక్కబొడుచుకుంటాయి.
యమదొంగ:
యమపాశాన్ని తన చేతికి చిక్కించుకుని, మోహన్ బాబుతో డైలాగ్ వార్ కి దిగుతాడు ఎన్టీఆర్. ఏమంటివి? ఏమంటివి అంటూ కీ.శే నందమూరి తారక రామారావు మాటలతో మొదలయ్యే ఈ డైలాగ్ కి ప్రేక్షకులు విజిల్ వేయకుండా ఉండలేరు.