Jr.NTR Birthday: లంబోర్గినీ నుంచి పోర్షే వరకు తారక్ గ్యారేజ్'లో కార్లు ఇవే..
ఈ వార్తాకథనం ఏంటి
యంగ్ టైగర్ ఎన్టీఆర్ గురించి ప్రత్యేకంగా పరిచయం అవసరం లేదు. బాక్సాఫీస్‌ను షేక్ చేసిన ఎన్నో బ్లాక్‌బస్టర్ చిత్రాలతో ఆయన కోట్లాది మంది అభిమానుల గుండెల్లో చెరగని ముద్ర వేసుకున్నాడు.
మే 20న తారక్ పుట్టినరోజు కావడంతో, అభిమానులు సోషల్ మీడియాలో అరుదైన ఫోటోలు, వీడియోలతో శుభాకాంక్షలు చెబుతున్నారు.
ఇప్పటికే ఎంతోమంది నెటిజన్లు ఎన్టీఆర్ వ్యక్తిగత జీవితంపై ఆసక్తిగా ఉంటారు. ముఖ్యంగా ఆయనకు ఉన్న విలాసవంతమైన కార్ల కలెక్షన్ అంటే ప్రత్యేకంగా చెప్పాల్సిన అవసరమే ఉంది.
తారక్‌కు ఆటో మొబైల్ ప్రియుడు అనే విషయం తెలిసిందే. అందుకే ఆయన వద్ద ఉన్న లగ్జరీ కార్ల జాబితా కూడా అంతే స్పెషల్‌గా ఉంటుంది.
వివరాలు
లంబోర్గినీ ఉరుస్ గ్రాఫైట్ క్యాప్సూల్:
2021 ఆగస్టులో ఎన్టీఆర్ లంబోర్గినీ ఉరుస్ గ్రాఫైట్ క్యాప్సూల్ కారు కొనుగోలు చేశారు.
భారతదేశంలో తొలి ఉరుస్ గ్రాఫైట్ క్యాప్సూల్ కొనుగోలు చేసిన వ్యక్తిగా తారక్ నిలిచారు.
ఈ కారు ధర ఎక్స్‌షోరూమ్ వద్ద రూ.3.16 కోట్లు కాగా, నంబర్ ప్లేట్ 9999 కోసం మాత్రమే ఆయన రూ.17 లక్షలు వెచ్చించారు.
మెర్సిడెస్ బెంజ్ GLS 350d:
తారక్ దగ్గర 2016లో మార్కెట్‌లోకి వచ్చిన మెర్సిడెస్ బెంజ్ GLS 350d మోడల్ కూడా ఉంది.
దీని ధర సుమారు రూ.80.38 లక్షలు. 3.0 లీటర్ V6 డీజిల్ ఇంజిన్ కలిగి ఉండే ఈ కారులో 258 bhp శక్తి సామర్థ్యం ఉంటుంది.
వివరాలు
రేంజ్ రోవర్ వోగ్:
ఎన్టీఆర్ గ్యారేజీలో ఉన్న మరో విలాసవంతమైన SUV రేంజ్ రోవర్ వోగ్. దీని ధర రూ.1.85 కోట్లు. ఈ కారుకూ 9999 నంబర్ రిజిస్ట్రేషన్ ఉన్నది. ప్రస్తుతం భారత మార్కెట్లో ఈ మోడల్ కారు ధర సుమారు రూ.2.31 కోట్లు.
BMW 7 సిరీస్:
తారక్ ఎక్కువగా ప్రయాణించే కారు BMW 7 సిరీస్. ఇది నలుపు రంగులో లభ్యమవుతుంది. లగ్జరీ లిమోసిన్ తరహాలో కనిపించే ఈ కారుకూ ప్రత్యేక నంబర్ 9999 రిజిస్ట్రేషన్ ఉంది. ప్రస్తుతం దీని ధర రూ.1.70 కోట్లు.
వివరాలు
పోర్షే 718 కేమాన్:
ఎన్టీఆర్ సొంతం చేసుకున్న మరో ప్రత్యేకమైన కారు పోర్షే 718 కేమాన్. బ్లాక్ పెయింట్ స్కీమ్‌లో ఆకర్షణీయంగా కనిపించే ఈ స్పోర్ట్స్ కారును ఇటీవల పోర్షే 718 కేమాన్ GT4 RS మోడల్‌గా విడుదల చేసింది.
దీని ధర రూ.2.54 కోట్లు. కేవలం 3.4 సెకన్లలో 0 నుండి 100 కిలోమీటర్ల వేగాన్ని సాధించగలదు.