అరుదైన ఘనత సాధించిన జూనియర్ ఎన్టీఆర్: ఆస్కార్ యాక్టర్స్ బ్రాంచ్ లో చోటు దక్కించుకున్న హీరో
ఈ వార్తాకథనం ఏంటి
నటుడిగా జూనియర్ ఎన్టీఆర్ ఎంతటి ప్రతిభావంతుడో ఆర్ఆర్ఆర్ సినిమాకు ముందు వరకు తెలుగు ప్రేక్షకులందరికీ తెలుసు.
ఆర్ఆర్ఆర్ సినిమా తర్వాత ఆ విషయం ప్రపంచ సినిమా ప్రేక్షకులకు అర్థమైపోయింది.
ఆర్ఆర్ఆర్ సినిమా ఆస్కార్ అవార్డును సాధించడంతో అందులో నటించిన హీరోలకు ప్రపంచవ్యాప్తంగా పేరు వచ్చింది.
ప్రస్తుతం జూనియర్ ఎన్టీఆర్ కి ఆస్కార్ అవార్డ్స్ అందించే, ది అకాడమీ ఆఫ్ మోషన్ పిక్చర్స్ అండ్ ఆర్ట్స్ అరుదైన గౌరవాన్ని అందించింది.
అవును, ఆస్కార్ యాక్టర్స్ బ్రాంచ్ లో జూనియర్ ఎన్టీఆర్ కి చోటు కల్పించింది. ఈ మేరకు అధికారికంగా ప్రకటన వచ్చింది.
Details
ఎన్టీఆర్ తో పాటు మరో నలుగురు నటీనటులకు చోటు
ఆస్కార్స్ యాక్టర్స్ బ్రాంచ్ లోకి జూనియర్ ఎన్టీఆర్ తో పాటు మరో నలుగురు నటులను కూడా తీసుకుంది. అందులో, రోసా సలాజర్, కెర్రీ కాండన్, మాషా స్టెఫానీ బ్లేక్, కే హుయ్ క్వాన్ కూడా ఉన్నారు.
నటన పట్ల అంకితభావం కలిగిన నటీనటులు ప్రపంచవ్యాప్తంగా ఎంతో మంది ప్రేక్షకులను ఆకట్టుకున్నారు. తమ హావాభావాలతో, నటనతో పాత్రల్లో ఒదిగిపోయారు. అలాంటి నటీనటులను యాక్టర్స్ బ్రాంచ్ లోకి స్వాగతిస్తున్నామని అకాడమీ తెలియజేసింది.
ఆస్కార్ యాక్టర్స్ బ్రాంచ్ లో జూనియర్ ఎన్టీఆర్ కి స్థానం దక్కడంతో అభిమానులందరూ సంతోషంగా ఉన్నారు.
అదలా ఉంచితే, ప్రస్తుతం కొరటాల శివ దర్శకత్వంలో దేవర సినిమా పనుల్లో జూనియర్ ఎన్టీఆర్ బిజీగా ఉన్నారు.