పుష్ప 2 సెట్స్ లో జూనియర్ ఎన్టీఆర్ దర్శనం: అదే కారణమంటున్న నెటిజన్లు
అల్లు అర్జున్, సుకుమార్ కాంబినేషన్లో రూపొందుతున్న పుష్ప 2 చిత్రీకరణ పనులు హైదరాబాద్ లోని రామోజీ ఫిలిమ్ సిటీలో శరవేగంగా జరుగుతున్నాయి. తాజాగా పుష్ప 2 సెట్స్ లో జూనియర్ ఎన్టీఆర్ దర్శనమిచ్చారు. నిన్న సాయంత్రం, పుష్ప 2 సెట్స్ కి జూనియర్ ఎన్టీఆర్ వెళ్ళినట్లు సమాచారం అందుతోంది. అల్లు అర్జున్, సుకుమార్ లతో కొంత సేపు ముచ్చటించినట్లు తెలుస్తోంది. వైట్ షర్ట్, గ్రే కలర్ ప్యాంట్ లో పుష్ప 2 సెట్స్ లో కనిపించిన ఎన్టీఆర్ ఫోటోలు ఇంటర్నెట్ లో వైరల్ గా మారుతున్నాయి. ఎన్టీఆర్ వెళ్లడానికి కారణమేంటి? కొరటాల శివ దర్శకత్వంలో రూపొందుతున్న ఎన్టీఆర్ 30వ సినిమా షూటింగ్ కూడా రామోజీ ఫిలిమ్ సిటీలో జరుగుతోందని సమాచారం.
శరవేగంగా సాగుతున్న పుష్ప 2 షూటింగ్
రెండు సినిమాల షూటింగులు రామోజీ ఫిలిమ్ సిటీలోనే జరుగుతుండడంతో పుష్ప 2 సెట్స్ లో ఎన్టీఆర్ కనిపించారని అంటున్నారు. పుష్ప 2 సినిమా చిత్రీకరణ పనులు గతేడాది నవంబర్ లో మొదలయ్యాయి. అప్పటి నుండి చాలా వేగంగా చిత్రీకరణ జరుపుకుంటోంది పుష్ప 2 చిత్రం. పుష్ప 2 నుండి రిలీజైన వేర్ ఈజ్ పుష్ప అనే చిన్నపాటి వీడియోకు ప్రేక్షకుల నుండి మంచి స్పందన వచ్చింది. మైత్రీ మూవీ మేకర్స్ నిర్మిస్తున్న ఈ సినిమాకు దేవిశ్రీ ప్రసాద్ సంగీతం అందిస్తున్నారు. ఇక ఎన్టీఆర్30 విషయానికి వస్తే, ఈ సినిమాలో బాలీవుడ్ భామ జాన్వీ కపూర్ హీరోయిన్ గా నటిస్తోంది.
