Kajal Agarwal: బాలకృష్ణతో మరోసారి జతకట్టిన కాజల్.. 'NBK111' నుంచి ఫస్ట్ లుక్ విడుదల
ఈ వార్తాకథనం ఏంటి
నందమూరి బాలకృష్ణ ప్రధాన పాత్రలో, మాస్ చిత్రాల దర్శకుడు గోపీచంద్ మలినేని రూపొందిస్తున్న ప్రతిష్ఠాత్మక చిత్రం 'NBK111' నుంచి తాజాగా ఓ కీలక అప్డేట్ వచ్చింది. హీరోయిన్ కాజల్ అగర్వాల్ పుట్టినరోజును పురస్కరించుకుని, ఈ చిత్రంలో ఆమె నటిస్తున్న విషయాన్ని అధికారికంగా ప్రకటించిన చిత్ర బృందం, ఆమె ఫస్ట్ లుక్ పోస్టర్ను విడుదల చేసింది. దీంతో సినిమాపై ప్రేక్షకుల్లో మరింత ఆసక్తి నెలకొంది.
వివరాలు
కెరీర్లో గుర్తుండిపోయే మూవీ..
విడుదలైన పోస్టర్లో కాజల్ అగర్వాల్ సాధారణ చీరకట్టులో, కళ్లజోడు ధరించి, గంభీరమైన హావభావాలతో కనిపించారు. ఆమె లుక్ను బట్టి ఈ చిత్రంలో ప్రత్యేక ప్రాధాన్యం ఉన్న పాత్రను పోషిస్తున్నట్లు అభిమానులు భావిస్తున్నారు. ఈ సందర్భంగా చిత్ర యూనిట్ కాజల్కు పుట్టినరోజు శుభాకాంక్షలు తెలియజేస్తూ, ఈ సినిమా ఆమె కెరీర్లో గుర్తుండిపోయే చిత్రంగా నిలుస్తుందని పేర్కొంది.
వివరాలు
బాలకృష్ణ, కాజల్ కాంబోలో రెండో సినిమా..
ఇది బాలకృష్ణ, కాజల్ అగర్వాల్ కాంబినేషన్లో వస్తున్న రెండో చిత్రం. ఇంతకుముందు విడుదలైన 'భగవంత్ కేసరి'లో వీరిద్దరూ కలిసి నటించగా, ఆ సినిమాలో కాజల్ పాత్రకు ప్రేక్షకుల నుంచి మంచి ఆదరణ లభించింది. అయితే 'NBK111'లో ఆమె పూర్తి స్థాయి కథానాయికగా కనిపించడంతో పాటు, కథను కీలక మలుపు తిప్పే పాత్రలో నటించనున్నట్లు సినీ వర్గాల్లో చర్చ సాగుతోంది. భారీ యాక్షన్ సన్నివేశాలు, భావోద్వేగాలతో కూడిన ఈ చిత్రాన్ని భారీ బడ్జెట్తో నిర్మిస్తున్నారు. ప్రస్తుతం షూటింగ్ వేగంగా కొనసాగుతోంది. ఈ చిత్రానికి సంగీత దర్శకుడు తమన్ స్వరాలు సమకూరుస్తున్నారు.
ట్విట్టర్ పోస్ట్ చేయండి
వైరల్ అవుతున్న పోస్ట్ ఇదే..
Every storm has a reason 🔥
— Vriddhi Cinemas (@vriddhicinemas) June 19, 2026
Team #NBK111 is delighted to present and wishes the ever versatile @MsKajalAggarwal a very Happy Birthday ❤️
Yet again, you will witness a side of her 💥#HBDKajalAggarwal
GOD OF MASSES #NandamuriBalaKrishna @heromanoj1 @megopichand @musicthaman… pic.twitter.com/1FX5rhIYR4